Na tarde do 14 de maio, Migallas Teatro representaron na Biblioteca Municipal de Lugo a súa obra “Merenda con pan de Millo”.

Se alguén pensaba que o proceso de elaboración do pan era aburrido, eles demostraron todo o contrario. Cargados con todos os aparellos necesarios, acompañados da súa guitarra e unha banda de pulgas, e vestidos para a ocasión, chegaron dispostos a compartir cos asistentes a súa historia e as súas cancións.

Migallas na Biblioteca Municipal de Lugo

“Miña avoa Manuela”, “Pan de millo” ou “Que cousa, cousiña, é?”, foron algunhas das cancións que interpretaron e coas que conseguiron que os nenos e nenas pasaran unha tarde inmellorable.

Migallas na biblioteca Municipal de Lugo

Onte, Enrique Mauricio e Carlos Taboada, de Polo Correo do Vento, trouxeron á Biblioteca Municipal de Lugo a súa historia do pirata Benito Soto. Historia de piratas con todos os ingredientes para despertar a atención de nenos e nenas: misterio, tesouros, o malvado Euribor…

Ademais da historia, aprenderon uns “truquiños” para debuxar ao pirata coa súa barba, parche e pata de pau.

A compañía Elefante Elegante representou na Biblioteca Municipal de Lugo, “Lobo bobo”. Con este contacontos os nenos e nenas asistentes coñeceron aspectos sorprendentes e divertidos dos personaxes dos contos máis coñecidos como Bracaneves, Carapuchiña Vermella ou os Tres cerditos.

Tarde de contos na Biblioteca Municipal a cargo de Os contos de Pablísmo. Contos cortos e divertidos, protagonizados todos eles por rás e sapos cos que os nenos e nenas asistentes coñeceron un pouco mellos o mundo dos batracios.

Na Biblioteca Municipal de Lugo celebramos o Día do Libro , coa visita de Raquel Galavís e os seus Cantacontos. Contos con música, historias que conseguieron captar a máxima atención de nenos e nenas  e cancións que os fixeron levantar do chan para cantar e bailar animadamente.

O 9 de maio os dous autores da colección de contos “Polo correo do vento”, Enrique Mauricio (Mau) e Carlos Taboada (Pin) ofreceron na Biblioteca Municipal de Lugo unha actividade de animación á lectura, dentro do programa Ler conta Moito.

A sesión estaba destinada non só á animación á lectura senón tamén a concienciar aos nenos e nenas da importancia que ten o respecto e a protección do medio,

Ademais de todo iso, quixeron que os asistentes se animaran ao debuxo. Así comprobaron que si che explican paso a paso cómo se realiza un personaxe, é moi sinxelo debuxalo. De feito moitos deles sorprendéronse do ben que lles quedou o debuxo que fixeron.

Como remate, entre todos realizaron tres murais que na actualidade decoran a biblioteca.

O pasado 2 de maio a compañía Elefante Elegante representou na Biblioteca Municipal de Lugo a pequena obra: o aviador.

O protagonista humano, un aviador dos antigos, que viña ataviado como os da época de cando os avións no eran moi seguros (e de feito o seu avión no o era nada), aterreza na biblioteca, xusto onde se atopaban os nosos lectores máis pequenos sentados e dispostos a escoitar a súa historia. Aquí atopouse cun moucho moi, pero que moi, pesado, ao que o sol non lle gustaba nada.

O aviador tentará convencelo de que a luz do sol é necesaria para a vida, e xunto cos nenos e nenas participantes na actividade, amosaranlle o que sucede si o sol desaparece.

 Ao final os nenos fóronse encantados e orgullosos de axudar ao aviador a convencer ao moucho.

A sala infantil da Biblioteca Municipal de Lugo encheuse de nenos e nenas o pasado 23 de abril para celebrar o Día do Libro. A mestra de cerimonias da celebración foi Larraitz Urruzola que chegou cos seus Babacontos.

Enseguida apareceu a súa acompañante, a simpática e coqueta Babamá, tan elegantemente vestida como a ocasión o requiría e acompañada dos seus cacharros. Moi pronto fíxose coa complicidade dos asistentes, encantados de compartir historias con tan curioso personaxe.

Contoulles de todo, contos de comidas, materia na que os nosos usuarios demostraron ser uns auténticos especialistas, contos que falaban de historias e cousas fantásticas… contos todos eles moi divertidos.

En fin, que todos pasamos unha tarde diferente cun personaxe entrañable que deixounos novas historias para contar e lembrar.