O venres, 29 de setembro tivemos a visita de TrinkeTrinke Teatro, co espectáculo O ratiño presumido.
Co rato Fuco e a ratiña Lily Gruyere chegados de Lonxedetodo, dándolle a volta ao conto clásico para amosar a un ratiño que racha cos estereotipos de xénero.
O espectáculo tivo moi boa acollida por parte do público, tantos dos nenos/as coma dos maiores.
Pasárono xenial!!
O venres 29, Paula Carballeira presentounos Elas tres (a nai, a nena, a bruxa) e moitas outras , unha selección de historias na que coñeceremos o importante papel das bruxas, moi alonxado do que habitualmente presentan outros contos
O dia 26 de setembro veu visitar á Biblioteca de O Froxel “Fco. A. Vidal” de Arteixo, uns artistas moi especiais que mais que contar cantaron os contos e trouxéronnos música e ritmo ao son da gaita e a guitarra.
Trátase de AS JALOCHAS que coa súa actividade “RITMANDO” fixeron cantar e bailar á rapazada e aos maiores acompañantes.
Este xoves 28 na Biblioteca Rialeda puidemos gozar con CINCO RATIÑOS DE CONTO de Migallas. Bea montou unha mesa con diversas pezas e foi expoñendo os libros nos que se baseaban as historias dos libros A que sabe a lúa? ou A ratiña presumida a medida que ía contándoas. Cantou e fixo participar ao público infantil e tamén adulto.
O mércores 27 de setembro, o público pasouno de marabilla con Miguel Guido e as aventuras do lobo que pasou de ser feroz a ser feliz. Cantado e contado de maneira moi divertida.
Este mércores, as nenas e nenos de Cambre puideron achegarse a unha visión diferente do conto popular da Carrapuchiña Vermella.
O venres 22 setembro, ás 18:00 h, no auditorio da Biblioteca de Nigrán, tivemos: Os contos da leiteira, de OQO.
O pasado venres 22 recibimos a visita de Manuel Solla do grupo Os Carballiños, con ” Voando libres”. Puidemos desfrutar dunha agradable sesión de contacontos combinada con maxia. Nela @s cativ@s aprenderon a través dos contos valores de igualdade e superación persoal para poder conseguir os seus soños. Participaron activamente, na sesión de maxia mesmo elaboraron un delicioso pastel que puideron degustar.
A biblioteca municipal Xabier P. Docampo de A Barcala (Cambre) viviu o pasado venres unha estupenda tarde de contos con Ángeles Goás.
O venres 22 coñecimos a verdadeira historia de Hamelin. Unha reinterpretación do conto clásico mesturando narración oral, clown, malabares… Unha oportunidade para coñecer os contos dende ouro puntos de vista
Séguenos