Con motivo da celebración do Día internacional do libro, o Concello do Valadouro organizou o día seguinte, o venres 24 de abril, un contacontos titulado O Secreto da Biblioteca no Salón de Actos da Casa da Cultura. O público coñeceu a Iria nunha aventura chea de misterio. A través de xogos, pistas e libros que falan, nenas e nenos descubriron o secreto da biblioteca

O pasado venres 15 de maio a Biblioteca Municipal da Estrada recibiu a visita de Charo Pita co seu espectáculo Colorín Colorete. A artista encandilou aos nenos e nenas asistentes cos seus contos e cancións, e encheu a nosa sala de actividades dunha atmósfera de diversión.

 Celebrando o Día das Letras Galegas en Vilanova de Arousa con A Xanela do Maxín e o seu espectáculo “A gran viaxe das Letras Galegas

Marta Ortiz comezou a viaxe nun taller de costura, un lugar máxico aos ollos da nena protagonista que escoita contos, coplas, cancións en boca da súa avoa, nai e tía mentres traballan.

Contos tan antigos como o oficio da costura. Puntada a puntada percorreu mundos onde os fíos falaban, as caixas de costura abrían as portas da fantasía e os bastidores de bordar eran fiestras onde asomarse a historias prohibidas.

Narración oral, música, teatro de obxectos e pezas enlazadas polas coplas do Cancioneiro da Agulla. Unha homenaxe ás mulleres de mans sabias que foron as primeiras narradoras e transmisoras de coñecemento.

Contacontos infantil na Biblioteca.

16 de maio, sábado, ás 12:00 h, Contamos en igualdade, por Eduvía (Vías para a Educación).

O pasado 13 de maio tivemos o pracer de acoller na Biblioteca Pública Municipal de Barro unha sesión moi especial de animación á lectura da man de Caxoto. Nesta actividade, os máis pequenos do CEIP Amor Ruibal puideron gozar dunha contada chea de maxia, na que as historias cobraron vida acompañadas de instrumentos musicais tan curiosos como sorprendentes.

Ademais de escoitar contos, as crianzas tiveron a oportunidade de descubrir unha pequena mostra dos fondos da nosa biblioteca destinados á rapazada de 0 a 5 anos, achegándose así ao marabilloso mundo dos libros dende idades temperás.

O espectáculo foi tamén unha fermosa homenaxe a todos eses libros que nos marcaron, que nos marcan e que, sen dúbida, seguirán formando parte da nosa vida para sempre.

Caxoto compartiu, ademais, unha historia moi persoal: cando era pequeno, custáballe moito durmir e sempre atopaba escusas para non deitarse. Ata que un día, por imitar ao seu irmán maior, decidiu coller un libro antes de durmir. Sen decatarse, aquela decisión levouno a vivir unha noite chea de aventuras e soños, unha experiencia que quixo repetir unha e outra vez. Dende entón, cada noite converteuse nun pequeno ritual: un conto, un anaco de imaxinación e o libro gardado baixo a almofada para deixarse levar cara ao mundo dos soños.

Dentro da celebración do Día das Letras Galegas, o Bardo Abelardo presentou este martes en Trazo a función “Mitos, lendas e cantigas”, creada para homenaxear a Begoña Caamaño.

Un espectáculo de narración oral e música en directo que nos acerca a súa vida e a reinterpretación que fixo dos clásicos dende un enfoque feminino e actual na súa obra. E tamén nos mostra o significado e a importancia da transmisión oral a través dos mitos, lendas e cantigas.

A biblioteca María Magdalena foi o escenario, no día do libro, dunha xornada moi especial, na que os nenos e nenas das escolas infantís do Municipio participaron nun contacontos e obradoiro creativo pensado para espertar o gusto pola lectura desde as primeiras idades.