O 21 de outubro celebramos o Dia das Bibliotecas (24 outubro) con dúas sesións de contacontos da man de Teatro Calavera titulado “Os contos da bruxa Chispum” e cun obradoiro posterior na que os rapaces elaboraron unha pócima fluorescente. Este contacontos foi posible grazas ao programa Ler conta moito.

Esta vez os nenos que asitiron foron nunha primeria sesión, nenos do CRA Amencer de Educación Infantil, 1º e 2º de primaria e nunha segunda sesión, nenos de 4º de primaria do CEIP Plurilingüe de Ribadavia.

Asi de ben o pasaron ambos grupos:

O 15 de outubro ás 10:30 h, nenos de 5º e 6º de primaria do CEIP Plurilingüe de Ribadavia asistiron a un contacontos titulado “Contos do mundo” de Solidariade Internacional de Galicia, dentro do proxectos “Viaxa coa lectura” que estamos a facer ao longo deste ano e co cal levamos un dos premios Maria Moliner de fomento da lectura. O devandito contacontos foi posible grazas ao programa Ler conta moito.

Nel, os nenos aprenderon moitas cousas da cultura das antigas civilizacións sudamericanas, como aztecas, maias e incas, asi como lendas dos mesmos e a actividade que está levando a cabo a asociación de Solidaridade Internacional de Galicia nesas zonas.

O 7 de setembro ás 20:00 h no espazo cultural da Igrexa da Madalena tivemos un contacontos da man de Tarabelos, titulado “Debulendo lendas”.

Os nenos coñeceron as lendas de persoaxes históricos e ficticios, coma María Pita, os gamusinos, a Coca, Breogán, etc…, á vez que ían debuxando coa súa imaxinación aos persoaxes das historias.

O 24 de xuño ás 19:00 h a Biblioteca Pública Municipal de Ribadavia tivo o contacontos “Heroes e heroas” de Pedro Brandariz dentro do programa Ler conta moito.

Foron bastantes nenos e pais os que se achegaron ao auditorio da Casa da Cultura, onde se ubica a biblioteca, para asistir ao espectáculo de igualdade de xénero que nos presentou este narrador oral.

Neste espectáculo Brandariz amósalle ás cativas e cativos que as nenas tamén son valentes e poden fachendear de ter afouteza, protagonizando historias nas que terán que correr mil e unha aventuras.

E por outra banda tamén indicirá en que os nenos poden ser sensibles e poden amosar as súas emocións sin que ninguén se ría deles

O 24 de outubro celebramos o Dia das Bibliotecas cun espectáculo de Paco Nogueiras, Brinca vai de aquí a acolá, cheo de contos, música e moitas cancións.

A actividade levouse a cabo no auditorio da Casa da Cultura, onde está ubicada tamén a biblioteca, para poder garantir a máxima seguridade nestes momentos de pandemia.

Estas son algunhas das fotos da actividade

O 25 de setembro tivemos co programa Ler conta Moito a narradora Carmen Domech co contacontos “A carteira de Augasclaras”. Esta carteira especial contoulle 3 fermosos contos aos nenos do CRA Amencer que o pasaron en grande. Por suposto, con todas as medidas de seguridade. Estas son as fotos:

O 7 de setembro ás 20:30 h recibimos na biblioteca a Ian & Elisa e o seu espectáculo “Somos iguais na maxia” que fixo as delicias dos nenos e tamén dos seus pais misturando conto, maxia e sombras chinescas. Estas son as fotos:

O 27 de outubro tivemos na biblioteca un contacontos da compañía Trinketrinke titulado O ratiño presumido, no que tanto nenos como maiores disfrutamos escoitando contos, cantando e bailando. Estas son as fotos e video da actividade:

O 24 de outubro celebramos o Dia da Biblioteca con nenos de Educación Infantil do CEIP Plurilingüe de Ribadavia cun contacontos do programa de Igualdade e Loita contra a Violencia de Xénero titulado Sen medo da compañía Trécola Teatro. Asi de ben o pasaron:

O 11 de outubro nenos de 1º de Primaria do CEIP Plurilingüe de Ribadavia asistiron a un contacontos musical e un obradoiro posterior titulado Rosalia. Todos por igual de Tarabelos Teatro dentro do programa de Igualdade e Loita contra a Violencia de Xénero. Asi de ben o pasaron. O mural feito no obradoiro quedou exposto na biblioteca.