Nenos do CEIP Plurilingüe de Ribadavia de 6-8 anos asistiron a unha sesión de contacontos teatralizado e obradoiro posterior titulado “A cabaza encantada” de Teatro Calavera. O cociñeiro Antón e a pasteleira Tomasa fixeron as  delicias dos nenos primeiros pasandoo en grande no contacontos e logo elaborando unha araña e un morcego de pastelería. Este contacontos está enmarcado no programa de Igualdade e Loita contra a Violencia de Xénero nas bibliotecas. Finalizamos a sesión participando no proxecto de Rodando a pelota pola igualdade e a diversidade iniciada pola escola unitaria de Ombre

Estas son as fotos:

O 9 de setembro tivemos un contacontos do programa de Igualdade e contra a Violencia de Xénero titulado “Iguais, diferentes” de Expresión Produccións. A traves dos contos os nenos aprenderon boas conductas de igualdade de xénero misturadas con maxia. Estas son as fotos da actividade:

O venres 6 de setembro tivemos un contacontos do programa Ler conta moito titulado “Unha árbore ven a vernos” do Carballo con botas, Anxo Moure e os nenos aprenderon moito sobre o ecosistema e como coidar do bosque. Estas son algunhas das fotos:

Estupenda tarde a que pasaron nenos e maiores co espectáculo “Maxia e libriños con Leo Leiño”. Dentro dun proxecto integrador de nenos e maiores e co obxetivo de achegar a biblioteca a colectivos que por circunstancias non poden vir a biblioteca, está esta iniciativa. No Asilo Fundación Nosa Sra dos Anxos, da cual forma parte na Fundación o Concello de Ribadavia, levamos a cabo un proxecto que incluía una exposición do fondo local, un expositor fixo con libros de fácil lectura, contos e revistas e unha actividade de fomento da lectura na que tamén achegamos aos nenos, para pasar unha tarde de convivencia e compañía cos maiores do Asilo, algo enriquecedor para os nenos e unha ledicia para os maiores  residentes. Estas son as fotos da actividade:

O 11 de xullo tivemos doble sesión de actividades na biblioteca. As 11 h. nenos dos campamentos de verán de Bolboretas e Concello e do campamento de pintura de Rocio, mais nenos da vila, asistiron a un contacontos teatralizado da man da compañía Elefante Elegante coa obra “Lobo Bobo” e pasárono xenial.Programa Ler conta moito. Estas son algunha das fotos. Mais nas redes sociais

https://www.facebook.com/bibliotecaribadavia.ribadavia/  https://twitter.com/BpmRibadavia

O 24 de outubro, Dia da Biblioteca , celebrámolo con Polo Correo do Vento e a actividade “Contacontos ilustrado de mulleres galegas”. A esta actividade asistiron nenos de CEIP Plurilingüe de Ribadavia de 3º e 4º de Primaria. Atenderon ao contacontos e logo participaron nun obradoiro de caricatura.

O 7 de setembro, Ian & Elisa fixeron disfrutar ao público co seu espectáculo “A maxia dos contos”reunindo maxia e sombras chinescas e usando contos e fábulas como fio conductor facendo que grandes e pequenos disfrutasen dun fermoso e entretido espectáculo onde se fomenta o hábito da lectura como método para facer voar a imaxinación.

O venres 1 de xuño tivo lugar un contacontos teatralizado da man de Producións Dispersas titulado “O souto dos prodixios” , espectáculo con música, teatro e danza no que os nenos participaron moito.

O souto dos prodixios é un lugar onde todo pode suceder. Non hai nada imposible baixo os castiñeiros: Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz nas silveiras, temos xirasoles que dormen de día e as estrugas non pican se lles chiscas un ollo.

Estas son as fotos dos nenos que asistiron e que amosan o ben que o pasaron.

O 8 de setembro levamos a cabo a actividade Mergullámonos? de Andrea Vázquez. A ela asistiron moitos nenos cos seus pais. Andrea facía dar voltas o globo terráqueo ata parar nun continente e contáballes aos nenos un conto dese lugar xunto cancións divertidas.

Celebramos o Dia das Letras Galegas cunha exposición sobre Carlos Casares e unha mostra bibliográfica cos seus libros. Tamén tivemos un contacontos obradoiro da man de Polo correo do vento titulado “Os xoguetes de Clio” baseado na vida e obra de Carlos Casares. Os nenos asistiron a un contacontos no que un ilustrador ía debuxando o que o narrador ía contando e logo fixeron un obradoiro de debuxo, coas directrices do ilustrador. Estas son algunhas das fotos