Porquiño vai ao mar e polo camiño e atopa novas cores, sons, movementos… Alí fai novos amigos cos que xogar, cantar e bailar e xuntos achan un tesouro moi especial. Os bebés pasárono en grande este martes no contacontos da biblioteca. Grazas a Ana Carreira!
Hoxe a comunidade educativa e as crianzas do PAI gozaron dunha sesión de contacontos con Charo Pita, chea de música, estimulación sensorial e moitas historias. O cativos e cativas quedaron abraiados con cada relato. O tempo pasou voando entre sorrisos e ollos abertos de par en par!
Na Biblioteca Municipal Isidro Novo de Lugo recibimos a Inma Soto co seu espectáculo “Sinfonía de contos”.
Xunto coa clarinetista Tamara Soto, ofreceron unha fermosa proposta que combinou narración oral e música e da que gozaron as crianzas e as súas familias.
MARTÍN CAMIÑA PRESENTOU NA BIBLIOTECA DE CASTRO DE REI O SEU ESPECTÁCULO UNHAS MAXIAS IMPARES, DEIXANDO ABRAIADOS A NENOS E MAIORES.
Na calorosa tarde do mércores xuntouse un bo grupo de investigadores para descubrire o secreto, seguindo a refrescante música e os divertidos xogos que traía Iria (Trémola Teatro)Boa selección de fragmentos do libro “O Principiño” coa música de dous clarinetes en directo que acentúan as emocións. Sesión moi potente.
A lúa como protagonista nunha sesión divertida e participativa. Imaxinación en todo o relato.
Nun momento de reflexión …
O venres día 5 de xuño a Biblioteca Municipal da Estrada acolleu o seu segundo espectáculo do programa Ler Conta Moito do ano 2026. Nesta ocasión, recibiu a visita de Raquel Queizás e as súas Raposadas, con historias e contos que fixeron as delicias dos nenos e nenas estradenses.
Séguenos