Hoxe a comunidade educativa e as crianzas do PAI gozaron dunha sesión de contacontos con Charo Pita, chea de música, estimulación sensorial e moitas historias. O cativos e cativas quedaron abraiados con cada relato. O tempo pasou voando entre sorrisos e ollos abertos de par en par!
Onte, 15 de outubro, resolvimos un crime na Biblioteca do Barqueiro, grazas ao equipo de biotecnólogos dirixidos polo divulgador científico Manuel Vicente, responsable do programa Efervesciencia, da Radio Galega.
Unha tarde diferente, lúdica e moi educativa tanto para a rapazada, como para as persoas adultas que asistiron. Aprendiamos moito do ADN, con ferramentas e produtos que temos nas nosas cociñas, que é a biotecnoloxía e as semellanzas entre os científicos e os detectives das novelas.
Hoxe celebramos na Biblioteca do Barqueiro o Día das Escritoras, cunha actividade moi divertida impartida Polo correo do Vento á comunidade do CEIP Francisco López Estrada.
Con “Mulleres nas Letras” aprendimos moito das autoras homenaxeadas nas Letras Galegas: repasamos as súas biografías, cantamos cos seus poemas e rematamos debuxando á primeira, a Rosalía.
O alumnado quedou encantado cun conta contos musicado ao ukelele e có obradoiro de caricaturas.
Grazas ao Polo correo do Vento por facernos pasar un rato tan divertido e instrutivo.
Onte celebramos as Letras Galegas có alumnado do CEIP Francisco López Estrada que, dan man de Patri de Eduvía Xestión Cultural, coñeceron os recitados e cantigas tradicionais, dos que disfrutaron bailando e cantando coa actividade BiblioCanta.
Hoxe veu o Dr. Tilla cargado de contos para previr o curar o virus do MACH. Grazas ao gran Caxoto por esta tarde tan marabillosa. Tanto o público infantil como o adulto disfrutamos moito cunha sesión chea de contido e de entretemento variado.
Hoxe, a Biblioteca do Barqueiro-Mañón acolleu a visita do CEIP Francisco López Estrada para disfrutar da actividade “Con ciencia de muller” impartida por Patricia da Eduvía Xestión Cultural.
Unha mañá divertidísima na que aprendimos moito sobre igualdade, mulleres científicas galegas e experimentos. Non quedou ninguén sin facer o seu.
Hoxe pasamos unha tarde marabillosa con Laura de Patasdepeixe, que nos contou a historia do libro e como se fai. Excelente traballo de educación e divulgación na que as cativas/os aprenderon e disfrutaron, ademais de ir encantados có seu libro. Moi recomendable e unha actividade perfecta para celebrar o Día do Libro.
Para conmemorar o Día das Bibliotecas, a Biblioteca do Barqueiro quixo achegar un espectáculo de narración oral, dirixido a nenas e nenos.
Da man de Manuel Pombal e do seu espectáculo Frumario o bibliotecario, mergullámonos nas fantásticas e variadas historias que agochan os libros das bibliotecas e do seu persoal, os bibliotecarios, como mediadores de coñecemento
Unha tarde divertida, chea de talento e imaxinación, da que gozaron adultos e rapazada.
Con este espectáculo, pechamos ata o vindeiro anos, o programa patrocinado por Ler conta moito da Rede de Bibliotecas de Galicia.
O bardo Abelardo achegou contos sobre o coidado da natureza mesturados coa música do seu acordeón, facendo partícipe a todo o público. Unha boa maneira de rematar a Semana mundial do medio ambiente
.
O martes 16 de maio visitounos na Biblioteca Manuel Solla, de Carballiños, có espectáculo “Contos animados”, quen mesturando maxia, contos, e monicreques, conseguiu a diversión e participación entusiasta dos nenos e nenas do CEIP Francisco López Estrada e do PAI de Mañón.
Unha entretida forma de celebrar as Letras Galegas.
Quedaron encantados.
Séguenos