O venres día 5 de xuño a Biblioteca Municipal da Estrada acolleu o seu segundo espectáculo do programa Ler Conta Moito do ano 2026. Nesta ocasión, recibiu a visita de Raquel Queizás e as súas Raposadas, con historias e contos que fixeron as delicias dos nenos e nenas estradenses.

O pasado venres 15 de maio a Biblioteca Municipal da Estrada recibiu a visita de Charo Pita co seu espectáculo Colorín Colorete. A artista encandilou aos nenos e nenas asistentes cos seus contos e cancións, e encheu a nosa sala de actividades dunha atmósfera de diversión.

A Biblioteca Municipal da Estrada celebrou o Día das Bibliotecas acollendo a actuación Animaladas, de Teatro Calatrava. Durante o espectáculo, os nenos e nenas asistentes escoitaron, observaron, cantaron, brincaron, bailaron, reptaron e riron, entre outras cousas, pasando o días das bibiotecas entre contos, historias, humor, retos, música e moito máis!

O venres 26 de setembro a sala infantil da Biblioteca Municipal da Estrada acolleu o obradoiro de pop-up da man de Laura Caneira. Durante este obradoiro, os nenos e nenas asistentes descubriron varios contos realizados con esta técnica tan chamativa e logo puxéronse mans á obra, equipados con tixeiras, cartulinas e pegamento, para facer as súas primeiras obras de pop-up.

Hoxe, venres día 6 de xuño, recibimos a visita de Felipe Díaz “Caxoto” na Biblioteca Municipal da Estrada, co seu espectáculo «Levántate, Xan!!!», para bebés de cero a tres anos. Co seu característico estilo cautivou aos usuarios máis pequenos (e tamén aos maiores), que gozaron coma porquiños na lama coas súas cancións e co desfile das distintas personaxes que habitan a granxa de Xan.

O pasado venres, os nenos e nenas da Estrada deleitáronse coa visita de Fuco, un dos membros dos Ratos de Lonxedetodo, que viaxou ata a nosa vila para tocar as súas cancións, ensinarnos o seu conto e presentarnos a varios dos seus amigos.

O xoves 20 de xuño, a Biblioteca Municipal da Estrada acolleu a visita de Yolanda Castaño, Premio Nacional de Poesía, quen levou a cabo un contacontos en verso para nenos e nenas, no cal relatou varios poemas do seu conto infantil Coller as rendas, de xeito ameno e intercalándoo con distintas conversas cos nenos e nenas asistentes, que podían participar e compartir as súas opinións sobre os diversos animais que protagonizan o conto.

O pasado venres, 14 de xuño, Trémola Teatro visitou a Biblioteca Municipal da Estrada co seu espectáculo Leo e a música, un espectáculo dirixido a bebés.

Case trinta cativos e as súas familias se reuniron na sala de actividades da biblioteca estradense para desfrutar dun espectáculo no que Paula e Leo coñecían a diversos animais, cantaban e bailaban, ante a atenta mirada e a ilusión dos pequenos e pequenas, que tamén tiveron a oportunidade de participar no espectáculo.

O pasado venres, día 10 de maio, a artista Cris de Caldas visitou a Biblioteca Municipal da Estrada co seu espectáculo A bibliotecaria estrafalaria, no cal nos relata cun ritmo trepidante e divertidísimo unha selección de contos do máis rocambolescos e estrafalarios.

O sábado 23 de setembro, a Biblioteca Municipal da Estrada recibiu a visita da autora e ilustradora de álbumes ilustrados Estefanía Padullés, quen impartiu o seu contacontos-obradoiro ‘Debuxando un conto’, no cal estivo acompañada polo gato Klops, protagonista dun dos seus álbumes.