Divertido, divulgativo  e participativo obradoiro/espectáculo sobre o Sol, e sobre a natureza e propiedades da luz, que deixou aos nenos/as de 2º e 3º ciclos do CEIP de Moeche enganchados, cheos de interese e asombrados ante os experimentos e as exposicións de Vicente Mohedano,  tomando un papel moi activo en todo momento.

Grazas a Vicente polo que puxo da súa parte para que a actividade puidese chegar ao maior número de alumnos posible, tendo en conta os protocolos covid dos colexios.

“CONTOS QUE ALIMENTAN”

Divertida tarde a que pasou un grupo de maiores de Moeche, ás portas da biblioteca, cos contos, anécdotas e chascarrillos da vida cotiá típica galega, contados por Cris de Caldas co seu bo facer habitual

Inspirados polo canto da buguina, bebés e nenos pequenos de Moeche, xunto con pais e nais, viaxaron polo mar visitando as illas onde viven caracois, galiñas poñedoras e vacas…, regando a herba e cantando cancións de mares e mareas.

Que mellor estimulación sensorial para os bebés que os xogos ao son da música e os arrolos tradicionais.

De todo isto gozaron os pequerrechiños de Moeche, as súas nais e outros familiares, o sábado, día cinco,  na Biblioteca de Moeche, nun obradoiro a cargo de Esperanza Mara, de EmanArte

O pasado venres, tivemos na Biblioteca Municipal de Ares, o contacontos: Onde está o vento?

Un preciosa actividade colorista, dinámica o moi musical que fixo as delicias do noso público.

Con mensaxe optimista e ecolóxica.

  Día 11 de outubro de 2019 ás 18:00, na biblioteca de Escairón

Unha mañá de maxia na biblioteca para os usuarios de ASPROMOR. Divertímonos moito co espectáculo “Maxia de aquí e de acolá” do mago David Méndez López.

“Güe Güe”

Jorge Rey, a bebé Güe Güe, a lúa, o ratiño, a avoa, o lobo, as ovellas, as ondas do mar e outros personaxes fixeron as delicias dos bebés de Moeche que os contemplaron fascinados, xunto ás súas nais.

Bibliodiscoteca

Como motivo da celebración do día da Biblioteca(24 de Outubro), quixemos celebralo  cunha festa o día 25.

Visitounos María Faltri  no centro Cívico de Vite de Santiago de Compostela coa súa Bibliodiscoteca, cunha selección dos mellores temas en galego. Organizamos unha gran festa no salón de actos, onde cantamos, bailamos, nos disfrazamos con perrucas, sombreiros, pompóns,….e sobre todo con moitas ganas de pasalo ben.

Onte, xoves 27 de setembro, na Biblioteca Pública Municipal de Ponteareas puidemos gozar coa sesión “Contos Pop-Up” con Fátima Fernández.

Contounos moitas historias entretidas que os cativos e os seus pais desfrutaron e participaron activamente dos fermosos Pop-Ups dos contos, escollidos pola artista, amosando os diferentes personaxes.