As lendas e os contos tradicionais non pasaron de moda; pola contra, están de plena actualidade, xa que a través deles se poden tratar temáticas moi presentes hoxe en día como son a violencia, a diversidade, o medio ambiente ou os hábitos saudables, entre outros.

O venres 29 de setembro, Raquel Queizás ensinoulles ás nenas e nenos de Sarria, os contos e lendas da nosa terra.

Todas e todos escoitamos falar dos ratos de biblioteca. O venres a biblioteca de Sarria recibiu a visita de Fuco, que veu contar contos cos que se estimula a imaxinación e a creatividade non soamente dos nenos e nenas, senón tamén das súas nais e pais que gozaron co marabilloso mundo creado por Arnold Lobel e posto en escena por Trinke Trinke.

A monitora comezou relatando contos populares a través de bonecos, estes ovos caracterizados de persoaxes son os chamados “Ovos de Rosiña”.

Ao rematar os relatos, os nenos fixeron os seus propios bonecos en forma de ovo, para iso prepararon unha pasta con fariña, auga, aceite e colorante alimentario de distintos cores, na que utilizando a imaxinación déronlle a forma desexada.

Un obradoiro que gustou tanto aos maiores como aos nenos.

Tarde divertida cos contos de Sole. Os picaros, como xa se ve, ¡¡ como se riron!!… e os papás tamen.  Merece a pena uns contacontos tan bos.

Desfrutamos en Sarria “Os contos do chupete”, contos para bebés na que se integran música en directo, literatura infantil, expresión dramática e tradición oral. Os máis pequenos e tamén maiores pasamos un gran día!

O sábado 16 de abril na Biblioteca Pública Municipal de Sarria desfrutamos da actividade ” a ciencia é divertida” na que pequenos e maiores escoitamos contos e despois realizamos experimentos cientifícos, que divertido!

O día 19 celebrouse na Biblioteca de Sarria a actividade “Bibliocanta”, achegándose ó cancioneiro tradicional galego para xogar os nenos e así non esquecelo os pais.

22 de outubro de 2015

Hoxe tivemos unha visita moi importante na Biblioteca Pública Municipal de Sarria: o mismísimo primo do Papá Noel!

Atendendo ás súas divertidas indicacións, cortando e plegando, intercambiando retais de diferentes cores, fomos facendo primeiro unha boca, despois uns ollos, pelos, brazos, pernas… ata ter completado cada un o noso propio comepán.

A un chamámoslle Juan, a outro Cu… Estaban tamén Jaru, Amelia, Ratiña, Luna… e así ata vintedous nomes  para estes novos amigos tan especiais.

Quén nos ía decir que a partires dun simple papel…

Moitas grazas ao señor Viravolta por esta magnífica visita.