A Farra achegounos un espectáculo onde nos contou a vida de Xan. Xan é un rapaz ao que lle gusta moito o mar. Unha mañá descobre que o mar xa non ten ondas e parece que está moi enfermo. Con Xan das Ondas emprendemos unha gran aventura mergullándonos  no máis profundo dos océanos. Nesta  aventura coñecemos aos habitantes dos mares e coa súa axuda descubrimos por que está enfermo o mar.

A través da narración oral, monicreques, e a técnica de kamishibai Carmen Domech contounos historias fascinantes cheas de tenrura e amor pola natureza.

.

Hoxe divertímonos moito con Mirari de Babaluva Títeres.

Sardiñas, rodaballos, caranguexos, peixes abisais e polbos transformáronse en personaxes  para contarnos historias fascinantes do mar.  Con estes personaxes Mirari representou o conto  de Italo Calvino ” O peixe luminoso” con títeres de luva. E a fábula de ” A raposa e o caranguexo” con títeres de boca. Acompañáronse os contos con cancións populares ” O Rodaballo” e  “Caranguexo”.

 A moneca de Cecilia necesita axuda para se converter en humana, para axudala fixemos un percorrido polos clásicos infantís.

Enchéronnos de sorpresas e tivéronnos moi entretidos. Como sempre, deixáronnos gratamente sorprendidos do seu bo facer.

Xela e todos os nenos de Valga convencen ao dragón para que remate co terrible mal que está a causar. Espectáculo que pon en valor a

importancia de respectar aos demais e de defender os valores de igualdade de xénero.

Utilizando sombras chinesas, monicreques, teatro de xanelas e narración oral, Pablísimo contounos dunha forma moi orixinal e renovada contos tradicionais. Nenas-os e maiores disfrutamos ca actuación deste grande dos contos.

 Leda e o seu avó descubríronnos os seres mitolóxicos que habitan na Galicia. Bonita viaxe fantástica pola nosa terra meiga.

Elba e Marcos non comparten os seus xoguetes e iso non está ben. Os seus xoguetes cobran vida para darlles unha lección, ensínanlle a Elba e Marcos que compartindo gózase máis das cousas.  Xogos, bromas, cancións, sustos, feitizos máxicos e moitas risas. Estes foron os ingredientes para que con Elba, Marcos e Duende Sico os nenos do público pasáseno moi ben

Larraitz Urruzola con poemas, cancións e sobre todo monicreques, contounos moitas historias que nos fixeron rir e tamén nos explicou como

se fan os monicreques.

A Run Run veu a Valga a contarnos a historia de Thais e descubrimos que é unha nena moi especial. Thais, unha nena que vén dunha familia de mulleres ladroas e pensa que o seu oficio xa está predestinado por esa saga familiar. Ata que descubre que non só roubando se pode gañar a vida. No seu desenrolo a obra tratou temas coma os estereotipos de xénero relacionados co ámbito laboral.