Hoxe, en Valga, Raquel deu voz a historias de mulleres intrépidas e tímidas, loitadoras e soñadoras pero tamén da propia condición feminina representada ás veces por animais que viven esas circunstancias. Veunos contar contos de heroínas, galiñas valentes, leóns amorosos ou galos fachendosos que nos fixeron gozar e concienciarnos para que a igualdade sexa unha realidade.

Hoxe veu Pakolas a animar a biblioteca cos seus libros e cancións. Os nenos participaron moi animados escoitando, cantando e bailando. Pakolas combinou cancións cos contos que nelas recóllense.

Outro día divertido de promoción da lectura da biblioteca de Valga, actividade feita ao aire libre no parque próximo á biblioteca. Disfrutamos moito co Mago Paco cos seus contos e trucos de maxia.

Os nenos de Valga convertéronse en ilustradores da man de Minia Regos. Traballaron na creación do seu propio libro ilustrado, quen sabe se non será a profesión dalgún deles.

En Valga divertímonos con  “Os contos de Pablísimo”, un contacontos no que se fixo fincapé en temas de igualdade. O público desfrutou durante 40 minutos de historias, risas, música e moita aprendizaxe

Chegaron os ratiños desde Lonxedetodo á biblioteca de Valga. Co “O  Ratiño Presumido” tivemos unha moi boa  sesión de contos nos que ensinaron a importancia e o valor da igualdade. O rato Fuco e a súa amiga Faifá contaron ca colaboración das mamás e dos papás dos nenos asistentes.

^{O obradoiro “A escena verbas!”, da compañía Menos dá unha pedra fíxonos pasar dúas horas entretidas. Empregando materiais como cartolinas, tesoiras ou pegamento, os vinte nenos participantes crearon o seu propio espectáculo de títeres. Debuxaron e recortaron os monicreques e encargáronse tamén da escenografía e de poñer a música para despois representar unha obra teatral.}

Valga recibiu esta mañá á ilustradora Estefanía Padullés, que impartiu o obradoiro “As superheronías do noso pobo”, centrado en debuxar a mulleres representativas de Valga.

Os rapaces comezaron practicando as técnicas da ilustración con mulleres célebres como a pintora mexicana Frida Kahlo ou a científica alemá María Sibylla Merian. A continuación, tiveron que debuxar a mulleres valguesas, pero non soamente famosas, senón tamén a mulleres representativas e importantes para as núas vidas: nais, avoas ou mestras foron algunhas das eleccións.

Contacontos do raposo Rufo que trata sobre a reciclaxe, a natureza e o seu coidado, no que fixeron partícipes aos nenos ensinándoos  a reciclar. Obradoiro final no que os pequenos desenvolveron  o visto na actividade facendo un debuxo reciclando material.

A Biblioteca Municipal de Valga acolleu esta mañá un Aobradoiro de creación de teatros de papel, organizado polas bibliotecas municipais e impartido pola compañía Juste Kamishibai, papel e teatro.

A actividade foi continuación da sesión de contos que tivo lugar a semana pasada no Auditorio, e na que os rapaces asistentes descubriron a técnica pop-up, o kamishibai tradicional xaponés e a narrativa ilustrada do emaki.

Hoxe construíron a maqueta dun teatro clásico coa técnica de varilla vertical, empregando papel e cartolinas. Crearon tamén diferentes escenarios e personaxes a partir de lecturas ou botándolle imaxinación coa invención de historias propias.