A Biblioteca Pública da Coruña Miguel González Garcés presentou na Feira do Libro o espectáculo “Brinca vai” de Paco Nogueiras.  Un gran número de participantes, 77 nenos e nenas gozaron a rabiar coas cancións de Paco.  Máis información en BLOGGIT  o no noso blog da sala infantil

Celebramos o Día das Letras  Galegas na Biblioteca Pública da Coruña Miguel González Garcés con Marisa Irimia.

Vinte nenos e nenas cos seus pais e nais estiveron na sala infantil escoitando a música de violín e os poemas de Manuel María. Combinábanse e entrelazábanse nunha madeixa de historias que se ían desfiando de vagariño.

Unha boa actividade de difusión da obra de Manuel María aos cativos que bailaron, molláronse coa choiva e mesmo sopraron para despertar ao sol.

Máis información no blog da sala infantil: BLOGGIT

Día do Libro na Biblioteca Pública da Coruña Miguel González Garcés co Espectáculo de Migallas “Camiño de Historias” . Historias tradicionais, historias de rapaces consentidos polos país, historias de rapaces pedichóns, historias do ciclo da vida e da importancia da música e da festa. Historias co fin de difundir a literatura popular infantil de Galicia. 76 nenos e nenas estiveron   ansiosos, entusiasmados e felices de participar do espectáculo familiar de Migallas Teatro.

Enmarcado na Celebración do Centenario de Miguel González Garcés, o recital poético de Yolanda Castaño na Biblioteca Pública da Coruña Miguel González Garcés foi coma unha refolada de aire fresco. Achegounos os seus versos de xeito engaiolante: maxia, emoción e sentimento da man dunha comunicadora excepcional. Non deixou a ninguén indiferente.

Celebramos o Día do libro infantil co espectáculo MANS de PABLÍSIMO onde as historias  cóntanse con palabras e as personaxes aparecen nas mans. Pablo adoptou un caracol, un Animal de Conto moi divertido,  que a nenos e nenas entusiasmou.

Máis información no BLOGGIT o blog da sala infantil-xuvenil da Biblioteca e poderás ver as nosas novas

A Biblioteca Pública da Coruña Miguel González Garcés  acolleu o sábado 23 de maio,   a representación de A Orixe, un espectáculo de narración oral e manipulación de monicreques e obxectos por RAQUEL QUEIZÁS.

Unha exploradora chega á biblioteca para compartir as narracións escoitadas nas súas expedicións polo mundo. Ante nenos e nenas dramatizarán as lendas e contos coa axuda de pequenos tesouros recollidos nas súas viaxes:  // // // // // // //

Os nenos e nenas  pasárono moi ben e os pais e nais estiveron esplendidamente participativos.

Un lubrigante

moi elegante

botouse adiante:

quixo aprender.

Que non se espante

quen non aguante

que un bo marisco

aprenda a ler…   “Coller as rendas”.  Grazas Yolanda, polo teu sorriso e pola túa creatividade poética que entretivo e causou entusiasmo entre os nenos e nenas que asistiron ao encontro cunha poetisa sorprendente.

Dende a Biblioteca unha guía de lectura de “Poesía, rimas e cancións” no Día da Poesía: