A pasada mañá do sábado, a Biblioteca de Frades acolleu unha nova actuación do inconfundible Caxoto, que regresou con Virus Match, un espectáculo cargado de humor, participación e moita improvisación.

Nesta ocasión, o artista convidou ao público a reflexionar sobre o “virus do machismo” dunha maneira divertida, intelixente e chea de creatividade. Cunha posta en escena áxil e moi próxima, Caxoto conseguiu que todas as persoas presentes —nenas, nenos e adultas— se implicasen activamente nunha historia que combina risa, pensamento crítico e educación en valores.

O público entregouse por completo, desfrutando dunha proposta na que o humor serviu como ferramenta para promover a igualdade e a convivencia. Unha vez máis, Caxoto fixo gala da súa gran capacidade de improvisación e conexión coa xente, facendo de cada momento unha experiencia única.

Non é a primeira vez que nos visita, e como sempre, deixou o listón ben alto. Na Biblioteca de Frades estamos encantados de poder contar con el e xa agardamos repetir experiencia, porque as súas actuacións son garantía de alegría, reflexión e bo humor.

Gran éxito do espectáculo Animaladas na Biblioteca de Frades

O pasado sábado 27 de setembro, ás 11:30 h, a Biblioteca de Frades encheuse de risas, creatividade e bo humor coa visita da compañía Teatro Calavera, que presentou o seu espectáculo Animaladas.

A actividade contou coa participación de 25 persoas, entre as que destacaron moitos nenos e nenas, que se implicaron de maneira entusiasta en cada parte da representación. O espectáculo destacou por ser moi divertido e altamente participativo, conseguindo que o público se sentise parte da historia en todo momento.

Cómpre facer unha mención especial ao excelente traballo dos artistas de Teatro Calavera, que demostraron ser moi

 profesionais e de gran calidade artística, conseguindo manter a atención e o entusiasmo d

os asistentes durante toda a función. A súa enerxía e cercanía fixeron que a xornada fose memorable.

En definitiva, foi unha mañá cultural chea de diversión, participación e boa compañía, que deixou un sabor moi agradable entre todos os asistentes. Sen dúbida, unha experiencia que merece ser repetida

O pasado sábado 28 de xuño, a Biblioteca de Frades encheuse de risas, ollos atentos e moita ilusión coa actuación de títeres “Cocinillas”, unha proposta escénica tan deliciosa como o seu nome indica.

A actividade, que comezou ás 11:30 da mañá, sorprendeu por moito máis que pola súa posta en escena. Destacou, sobre todo, pola gran profesionalidade do artista, quen foi quen de manter a atención e o entusiasmo de todo o público —desde crianzas moi pequenas ata persoas adultas— durante toda a función.

“Cocinillas” foi moito máis ca un espectáculo de monicreques: foi unha experiencia interactiva e divertida, pensada para que todas as persoas presentes se sentisen partícipes. A través do humor, o ritmo e os recursos visuais, o artista conseguiu integrar á audiencia nunha historia viva, chea de situacións divertidas e creativas.

Aquelas persoas que se achegaron desfrutaron dun tempo compartido en familia, onde o teatro, a expresión artística e a imaxinación foron protagonistas. A Biblioteca de Frades reafirma así o seu compromiso coa cultura participativa e de calidade.

💬 Grazas a todas as persoas asistentes e, moi especialmente, ao artista, por facer desa mañá unha lembranza tan especial.

Onte Día das letras Galegas adicadas este ano a “Luísa Villalta”, tivemos a Grandísima Compañía de “Teatro Ghazafehlos” ca súa obra “Lúa”. Un maravilloso espectáculo donde todos os nenos e nenas presentes tiveron a oportunidade de participar como actores e actrices por un momento. Cabe destacar a gran capacidade de improvisación dos actores que en todos momento utilizaron a espontaneidade dos nenos/as así como resto de asistentes para crear un momento de humor. Ano tras ano repetimos con esta compañía e sen dúbida seguiremos repetindo posto que sempre nos deixan con ganas de máis.

Este sábado celebramos na Biblioteca de Frades unha actuación para conmemorar o día do libro co gran mago “Roberto Lolo” e o seu espectáculo “O libro Máxico de Roberto Lolo”. Un show cargado de humor, ilusións e moita maxia, donde o público foi partícipe en todo momento. O artista demostrou unha gran capacidade de adaptación a todas as idades así como improvisación con ilusións que non deixaron indiferentes aos asistentes.

Foi un verdadeiro pracer encher a nosa biblioteca de tanta maxia donde os libros cobraron vida. Sen duda un espectáculo moi recomendable.

Este sábado tivemos na nosa biblioteca para un público de 40 persoas, o conto teatralizado “A Cabaza encantada”. O cociñeiro Antón e a pasteleira Tomasa regresaron a Frades para contarnos unha historia máxica. Antón plantou unha semente e de alí a un tempo naceu unha cabaza, pero era unha cabaza especial a que lle gustaba asustar e o noso cociñeiro tivo que armarse de valor para desfacerse dos monstros que ali apareceron. Unha historia para esmendrellarse de risa na que os cativos e cativas non deixaron de rir. Sen dúbida seguiremos apostando por este duo que sempre conseguen superarse.

Este sábado tivemos na nosa biblioteca o espectáculo “Historias de Bicharracos” da man de Marcos Dios Aguado. Un gran espectáculo teatral, contacontos e musical que enganchou o público dende o primeiro minuto. O actor contanos a historia de Romito, un neno que esta aburrido de ver a tele e descobre un gran libro cheo de historias que lle fai ver que os libros cóntannos historias maravillosas. Un espectáculo moi recomendable na que cabe destacar a gran versatilidade do actor a hora de interpretar diferentes persoaxes e tamén a capacidade de enganchar tanto o público infantil como o adulto. Sen duda repetiremos.

Este sábado tivemos a sorte de poder contar co conta contos con títeres de “Onde viven os montruos” da man da artista Carmen Domech. A actuación resultou ser todo un éxito e tamén nos contou o conto do mostruo de cores e unha canción sobre a boa alimentación. Para finalizar a actuación realizou un xogo para os máis cativos e cativas. A actuación foi moi dinámica e divertida e os participantes disfrutaron moito dela.

APRENDENDO A QUERER

Este sábado día 24 de setembro realizouse na biblioteca de Frades o espectáculo “Aprendendo a querer” onde a ratiña Lili de Lonxedetodo explicou os nenos e nenas de Frades a importancia de quererse ben mediante teatro, contacontos e cancións.

Foi todo un éxito pois os nenos e nenas disfrutaron moito cantando, bailando e interactuando ca artista. Sen dúbida unha actuación para repetir.

O sábado chegou a nosa biblioteca “A verdadeira historia de Hamelín”. Un contacontos baseado no clásico “O frautista de Hamelín” onde con técnicas de circo como malabares e equilibrios o artista conseguiu meter no peto a todo o público. Foi unha actuación moi dinámica e moi divertida onde os máis pequenos e pequenas participaron grazas o gran traballo que fixo o o artista. Se dubida unha actuación para repetir.