O venres día 19 de outubro visitounos na biblioteca de Boiro Carmen Domech a través do programa Ler Conta Moito.
Nesta ocasión, Carmen non veu sóa, senón que a acompañaba a señora Antonia. O público asistente quedou abraiado cos contos de medo da señora Antonia, a cal nos trouxo cinco historias de medo. Achegounos a un mundo de tebras onde tamén houbo lugar para o humor e o amor.
O venres día 5 visitou a biblioteca de Boiro “O xigante” de Elefante elegante. Veumos a contar unha bonita historia na que a narración oral é acompañada polo teatro xestual e pola constate presenza da música.
O público quedou encantado coa actuación. Os nenos e nenas non perderon detalle da narración.
O sábado 29 tivemos na BPM de Boiro un obradoiro de Creatividade da man de Ciencia en Movemento.
Os nosos cativos tiveron que empregar toda a súa creatividade, imaxinación e lóxica para superar os misterios tales con tinta invisible, torres imposibles, buratos xigantes e moitos dilemas.
Pasámolo xenial!
Na biblioteca de Boiro tivemos a oportunidade de gozar do espectáculo do Mago Pedro Bugarín. Unha actividade fabulosa que gustou a grandes e a pequenos e na que o mago sorprendeunos con impresionantes trucos de maxia. Un espectáculo moi interactivo no que se require en algunhas ocasións da colaboración do público o cal, moi entregado, non dubidaron en colaborar co mago, incluso chegando a poñer en perigo a súa integridade … (pero ate aquí podemos ler para non revelar nada). Pero tranquilos, ¡todo saíu xenial!
Pablísmo engaiolou aos asistentes con contos que empezan ao revés, contos con moitos finais, contos de nunca rematar, fábulas, cantares de cego, contos minúsculos, adiviñas…
Séguenos