O pasado xoves, o autor Antonio Fraga sumerxiu nunha aventura á rapazada da Biblioteca municipal de Mugardos para, coa axuda de todos e todas, tentar coñecer quen se agochaba detrás da misteriosa Negra Sombra. Unha tarde moi amena e participativa.
O pasado martes na bibio de Mugardos desfrutamos a tarde da man de Teatro Calavera co seu espectáculo ANIMALADAS, no que a exploradora Jeanne Baret acompañada da cebra Camila nos trasnportaron á selva máis animada.
A biblioteca de Mugardos descubriu o luns á tarde que a vila está chea de mulleres talentosas con moita creatividade! E foi no obradoiro “Iluminadoras”, da man de Natalia de MujerArt, no que, logo dunha primeira parte didáctica sobre a figura das iluminadoras medievais, levaron a cabo un obradoiro de modelado de arxila na que elaboraron cadanseu candeeiro. Unha actividade que orientamos a un público de +65 cun resultado máis que satisfactorio!
Este luns á tarde, na biblio de Mugardos decidimos coñecer con Antón e Tomasa (a pasteleira que mellor amasa) a súa trepidante aventura para conseguir o mellor cacao co que poder despois elaborar a súa deliciosa receita chocolateada. Unha tarde divertida e moooi doce!
A creatividade foi a merenda principal da rapazada mugardesa que se animou na tarde do xoves a crear o seu propio libro con despregables da man de Aida Alonso
.
Sesión que misturou o conto, o xogo, a música e a agudización dos sentidos dun público moi numeroso e unhas familias moi participativas.
Sesión de contacontos sensorial para bebés de 0 a 3 anos en Mugardos
Que mellor plan para unha tarde de sábado de outono que botar unhas risas ben a gusto ? Pois iso foi o que fixemos en Mugardos grazas ao monólogo de Damián Alonso, dende o a ridiculización dun machismo reformado, mais aínda presente, e que mesmo ás veces chegamos a normalizar.
Dende Lonxedetodo, o pasado xoves unha ratiña chegou a Mugardos para amosar aos nosos pequeños e pequenas o valor de ser solidarios cos demais, a través da súa labor como integrante da Asociación de Animais Solidarios nunha tarde moooooi divertida!
Na tarde de onte, na biblio de Mugardos poidemos disfrutar da sorpresa, das risas e da resolución de enigmas no Scape Room Magic de Ian e Elisa, unha hora que se nos pasou voando… como por arte de maxia!
Séguenos