Unha pequena mostra do Museo Científico achegouse a Mugardos para amosar aos rapaces e rapazas de 1º curso da ESO o funcionamento da ciencia e o porqué dalgúns misterios da vida cotiá, mediante unha serie de obxectos que eles mesmos/as manipularon libremente e que espertaron o seu interese e a súa curiosidade.

Na biblio de Mugardos estreamos o mes dos libros aprendendo a contar historias por medio de sombras chinesas. Olga Abad, de Intres, ensinou aos pequenas e pequenas mugardeses a narrativa apoiada nesta técnica oriental, nun obradoiro moi completo do que saíron encantados/as.

O sábado 24 de setembro perdémonos con Chrystyan Magic na senda da serpe alada, pequenos e maiores abraiáronse e riron participando da súa maxia.

A Biblioteca municipal de Mugardos tinguiuse de cores o pasado martes 19 coa historia de Violeta e a súa familia. Os máis pequenos contaxiáronse da tenrura dos protagonistas, e agardaron pacientes ao final para poder coñecelos de cerca.

Os pequenos e pequenas  soltaron a súa imaxinación modelando con miga de pan a Pepiño e a Maruxa, personaxes do conto Coas mans na masa, da editora OQO, que interpretaron previamente. Un bo rato no que os nenos e nenas participaron activamente, experimentanto, mesturando, probando, tocando…sen perder o fío do conto.

Da man de Musicreques os nenos de Mugardos viviron unha emocionante tarde. A música, a historia e as personaxes tiveronos engaiolados durante toda a actuación. Unha tarde moi divertida que deixa a todos con ganas de máis.

Todo isto ocorreu o martes 20 de outubro de 2015

Musicreques en Mugardos

A Biblioteca de Mugardos contou coa presenza de Magín Blanco para festexar o Día da Biblioteca. Cos seus Contos en-cantados abraiou a pequenos e maiores, que participaron acompañando as narracións cantadas da Nena e o Grilo, de María Fumaça e outras mais…

Na biblio de Mugardos comezamos o curso coñecendo as historias do Quebranoces e os seus amigos, con música de Tchaikovsky ao piano da man da Asociación Musical Musicreques.

Todo un éxito! Encantounos a pequenos e maiores!

Na BPM Mugardos festexamos o Día do Libro Infantil escoitando os contos de Dada o duende, da man de Patricia Martínez (Eduvía: Vías para a educación).

Tres historias con trasfondo de igualdade nas que os nenos e nenas poideron interactuar, cantar, bailar… e aprender!