O público asistente gozou co conto-xogo protagonizado por Tito e Tita, dous irmáns con moitas ganas de xogar.

A través da súa historia, reflexionaron sobre a igualdade, a inclusión e a amizade, vendo como os nenos e nenas, a pesar das diferenzas iniciais, aprenderon a compartir e divertirse xuntos. Despois da historia, todas e todos puideron experimentar o xogo favorito dos protagonistas: a croqueta, rodando polo chan entre risas.

Como despedida, levaron unha landra máxica, símbolo da loita contra os incendios e do poder da natureza para protexer o noso entorno.

Gemma presentou dous obradoiros moi apetitosos. O primeiro un ourizo feito cunha pataca e pipas e outro un abano que imitaba a cabeza dun león. Todo feito con elementos naturais e as mans dos participantes.  Ademais non faltou a música de fondo para animar a xornada. Todos os cativos e cativas marchaban encantados cos seus ourizos e abanos.

Música, bailes, cancións, movemento e historias para aprender a compartir e axudarse mutuamente encheron a casa da cultura do Pino neste contacontos musicado. Os cativos e cativas participaron en todo momento e colaboraron coa narradora en camción e bailes propostos ata saír da actividade coa idea que o mellor e colaborar para divertirse e por suposto Chegar ata a lúa e máis alá!!!!

Distintos animais visitaron a Biblioteca do Pino nun contacontos celebrado na Biblioteca Municipal o 8 de xullo. Cun toque de maxia e acompañado dunha maleta que  contiña diferentes elementos relatáronnos  un conto protagonizado por Manoliño e todas as mascostas que desexaba ter despois dunha visita ao zoo. Cada mascota que Manoliño quería acoller no seu fogar, súa nai poñíalle trabas  coa frase: “Manoliño, pensa un pouquiño…”. Entre estas mascotas atopábanse: o elefante, o león, a xirafa, o hipopótamo… Finalmente, a mascota aceptada pola nai foi un canciño o cal tiña que coidar moi moi ben.

Para rematar este contacontos, a cativada saiu a representar con mímica e sons diferentes animais que o resto debían adiviñar.

No día de onte tivemos na Casa da Cultura Luis Seoane do Pino toda unha experiencia de Lettering. O obradoiro creativo “Debuxar Letras” introduciu aos nenos e nenas durante dúas horas nas pequenas e minuciosas artes da rotulación. Non só crearon letras segundo as tipografías, senón que tamén debuxaron libremente e serviu como unha actividade que favoreceu a concentración e a relaxación.

No día de hoxe tivemos o pracer de acoller no auditorio da Casa da Cultura Luis Seoane o espectáculo “A maxia dos libros”, no que Nami e O Mago da Boina deron vida a diversos fragmentos dos libros de Crónicas do Mago Errante. Foi unha fantástica experiencia cómica, tanto para adultos como, especialmente, para nenos e nenas. A maxia fusionouse cos beneficios da lectura para facernos pasar un tempo entretido e moi divertido co que gozar da maxia e, á vez, fomentar o hábito lector entre os máis pequenos.

Esta mañá, os nenos e nenas do campamento de verán participaron na actividade “Camiño a Compostela”, organizada por Ela Sabe. Durante esta experiencia, convertéronse nun grupo de peregrinos e peregrinas que avanzaron cara a Compostela nun xigantesco xogo da oca. Ao longo do percorrido, coñeceron historias reais de persoas que fixeron o Camiño ao longo da historia, inventaron cantigas, resolveron adiviñas e descubriron a relación entre as viaxes, os libros e a liberdade. Foi unha actividade chea de aprendizaxes e diversión, que lles permitiu explorar a riqueza cultural e histórica do Camiño de Santiago dun xeito lúdico e interactivo.

A semana pasada os nenos de O Pino puideron gozar dunha nova actividade chamada “Caixa, caixiña, caixón”. Andamiaxe Innova presentoulles unha proposta que conecta un contacontos cun obradoiro para descubrir as mil e unha historias anónimas olvidadas nun caixón así como os diferentes formatos nos que as podemos ilustrar, dende unha caixa de cartón ata unha caixa de papel.

Estefanía Padullés achegouse ata o Pino para ensinarnos como é o seu proceso de creación. Dende a primeira idea ata con quen hai que falar para plasmar todo en papel.

Cantas historias marabillosas saíron das cabezas dos participantes!!!

A fada do saco verde pasou de visita polo Pino e compartiu cos máis pequenos e pequenas do Campamento de verán as súas histoiras, ensinanzas, medos, risas e cancións. Ademais ensinoulleas a facer unha amiguiña que levarán consigo para que os acompañe e os protexa