A bibliotecaria Candelaria ten un gusto excepcional a hora de seleccionar contos!

E moitos deles veunos presentar por todo o alto a súa amiga de Cris de Caldas, tamén bibliotecaria, contadora e cantadora!

Libros de todos os tamaños, texturas e con mil sorpresas no seu interior fixeron do pasado 24 de outubro, Día das bibliotecas, unha xornada inesquecible para as familias que se chegaron á biblioteca de Rois a gozar das contadas e dos libros!

A biblioteca pública municipal de Rois contou cun fermoso taller familiar para a creación libre de bonecas de trapo.

Pais, nais, nenos e nenas gozaron conxuntamente dunha tarde inesquecible e levaron os seus traballos para casa con moitísima ilusión!

O 23 de abril a personaxe de Xurxo trouxo a Rois unha divertida e emotiva velada, a través das súas vivencias na escola de señoras e señores na que sufriu situacións moi duras de acoso escolar que foron convintemente resoltas e que chegaron moi fondo ao público asistente. Esta historia foi o pretexto para contar a historia de Rufus, un morcego que case perde a vida por simplemente ser diferente.

A contada supuxo unha moi fermosa reflexión tanto para os nenos e nenas como para as familias, sobre o respecto á diferenza, tratada de forma moi vivencial e delicada. Grazas Malasombra Teatro por facer desta celebración do Día do libro unha velada tan especial!

A imprenta ambulante de Alouette Machine convertiu aos nenos e nenas en profesionais da impresión de fai 100 anos, cunha misión imprescindible: pensar os oficios do futuro e imprimir carteis dos mesmos tal como se facían antigamente. Letras de madeira, imaxes, cores, a imprenta do pasado ponse en marcha cara ao futuro!

O alumnado de secundaria do Cpi dos Dices gozou o 10 de maio no auditorio dunha mañá de regueifas. Lupe Blanco, unha das voces imprescindibles na expansión actual da regueifa, explicou á cativada as características desta disputa dialéctica improvisada e en verso que forma parte da nosa tradición oral.

Os nenos e nenas tamén tomaron a palabra con moitas arte e demostraron que teñen madeira para regueifar.

A actividade forma parte da iniciativa ALinguamos cos centros educativos que o Concello inclúe na programación  Rois no Camiño das Letras Galegas e forma parte do programa Ler conta moito da Xunta de Galicia.

#OCamiñodasLetrasRois #maioenRois #RoiscoasLetrasGalegas #regueifas #concelloderois #lercontamoito

Antía Yáñez, caracterizada de policía, precisa da axuda do grupo de nenos e nenas que decidiron achegarse á biblioteca para resolver un misterioso asasinato. Os e as grandes lectores e lectoras acadáronno!

As familias de Rois atoparon na biblioteca un espazo para aprender divertíndose, e moito moito, sobre as Letras Galegas, o seu percorrido histórico e o autor homenaxeado este ano, Florencio Delgado.

Xogos en equipo, probas do máis inverosímiles, cantos e debuxos, fixeron da biblioteca un espacio de aprendizaxe e distensión.

Ata a próxima!

Cómo gozamos con Atenea de Xarope Tulú, a través dos contos, bailes e cancións! Xogamos e viaxamos por diversas paisaxes e coñecimos personaxes estrafalarias que deberon resolver múltiples enredos!

Caxoto converteuse en Rois nun barrendeiro que traballaba polo exterior da biblioteca. Aproveitando que estaban os nenos e nenas alí, regoulles que deixaran de tirar cousas ó chan, farto de recoller o lixo da xente: chicles, papeis, pano dos mocos e  ata avoas en bo estado de uso!

O espectáculo foi virando cara un tono máis amable dende o que se abordaron contos, xogos e cantigas de carácter ambiental.

Grazas Caxoto e ata outro momento!

O gran chef Caxoto animou o mércores 14 de xullo aos pícaros e pícaras do Diververán de Rois, nunha sesión chea de contos, fantasía e música, a través dun menú elaborado con moito xeito. Dous dos ingredientes clave foron a igualdade e o sazón da ruptura de estereotipos de xénero.

Grazas gran chef Caxoto por esta velada única!!