Os gatos foron os protagonistas da sesión de contos na Biblioteca Municipal de Tui con Manuela Contacontos. Os pequenos e pequenas puideron coñecer as historias e aventuras felinas nunha divertida narración acompañada de libros e sorrisos.
Para celebrar o día das bibliotecas, Lucía Aldao viu a Tui a falarnos de “A vez que vivín nun libro”. Foi un encontro ca nosa rapazada cheo de reflexión, humor e moito debate, que deu moito que falar os asistentes.
A compañía Lalá Teatro trouxo unha chea de sorpresas á nosa biblioteca, houbo contos, xogos, cancións e unha moitas emocións co seu espectáculo para bebés “Estás como unha cabra”.
Cancións, contos e risas foron os protagonistas esta tarde na Biblioteca Municipal de Tui. O rato Fuco, interpretado por David Pernas, chegou a biblioteca de Tui coas súas historias e os seus amigos, coma un caracol e un merlo.
En “Viaxes e cancións dos ratos de Lonxetodo” interpretáronse diversas cancións e mesmo un poema musicado de Gloria Fuertes
Inacio Vilariño chegou coas súas historias e cancións sobre burros e toda a familia que os rodea, con historias divertidas que nos fixeron rir e apreciar a este precioso animal.
O pasado xoves 17 de setembro visitounos Fran Campos de “Bandullo Azul” co seu espectáculo “Flipa cos contos”.
Disfrutamos un montón cas súas cancións e as historias da súa amiga Filipa.
“A maleta” de contAZ trouxo novas experiencias e linguas novas que nos aprenderon e que nos servirán para coñecer novas persoas e experiencias.
A rapazada quedou encantada e abraiada con elas.
Recollemos en imaxes algúns dos momentos do contacontos de Charo Pita, “Porco, porquiño, ensíname o camiño”, para celebrar o día das bibliotecas en Tui.
Tania Justo animou unha chuviosa tarde de outono cos seus contos cantados para a rapazada tudense, foi unha gran alegría ter a oportunidade de escoitala.
Esta semana visitounos a Nube de Artear co seu obradoiro “Robótica educativa. Creatividade inspiradora”, onde os participanetes puideron
iniciarse no mundo da programación e a robótica a partir de pezas de lego e pequenos robots programables. Toda unha gran aprendizaxe para eles e moi divertida.
Séguenos