O venres, 24 de outubro, fixemos festa na axencia de lectura das Somozas co espectáculo Tralará porque era o día das bibliotecas e Marta Ortíz fixonos gozar cos obxectos cotidiáns que nos rodean e iluminou con contos e cantos o mundo de outras moitas cores.
O venres, 3 de otubro, na axencia de lectura das Somozas María intentou recuperar o sono perdido a noite anterior mais non houbo maneira porque a veciñanza tiña ganas de contos … e aos poucos, con adiviñas, cancións, bailes e tesouros que sacou do fondo dun saco coñecimos a miles de trasgos e vellas peideiras (coma ti) que salvaron princesas repugnantes. Ademais descubrimos que as empanadas tamén poden ser redondas …(espóiler).
Onte viaxamos no tempo ás escolas da década de 1930 en Galicia e coñecimos a mestra “pisapouquiño” unha mestra diferente: da abrazos e non latigazos, pidelle ás nenas que veñan escola, permite e fomenta a fala en galego, ensina con fábulas, adiviñas, trabalinguas e baile! mesmo ten unha gansa para vixiar a escola e dar de xantar ovos á cativada. Unha mestra que hai 89 anos, no peor momento da nosa historia, foi defendida por unha gansa, unha presa de pícaras e pícaros e a parroquia enteira.
Con Raquel Queizás, na axencia de lectura das Somozas celebramos ao noso alumnado e profesorado que comezan (outra vez) unha nova viaxe cara a aventura do coñecemento.
O venres, 12, de 6 a 8 da tarde na axencia de lectura das Somozas comezamos o curso con boa letra disfrutando do obradoiro “debuxando letras” de Alba Farto.
Descubrimos as letras cursivas e redondas, os estilos e as familias de letras e como se fixo o primeiro alfabeto.
Gozamos dos pinceis, lapis e rotus, das cores!!… e quedamos con ganas de máis.
Recuncamos no pavillón do CEIP O Marbán porque chovía ben nas Somozas para desfrutar con Vero Rilo dos contos que nos contaban e dos que contamos nós hoxe en día, como As velliñas e a Toupiña que quería saber quen lle fixera aquilo na cabeza ademais de Leite escrito por Verónica.
Cantamos, xogamos, aprendimos contos mais cantigas e mergullamonos no maravilloso mundo da fantasía.
Chovía hoxe nas Somozas polo que cambiamos de escenario para emprender con Carmen Domech e Olga Abad unha viaxe no tempo e atoparnos con todas as autoras homenaxeadas no Día das Letras Galegas dende 1963 ata a actualidade, ao través de sombras chinesas, muíños de vento, avións cheos de poesías e un caderno de debuxo sobre a vida e obra de Luísa Villalta.
O mártes, 7 de maio ás 10 da mañá xuntamonos na Axencia de lectura das Somozas con Marta Ortíz para que nos contase e cantase como son as casas onde viven a lúa, a raposa, os grilos, as rás, os ratiños, as cabuxas, as vacas, os paxaros e as cantarinas moscas! E mentras cantabamos e danzabamos coas nosas máns aprendimos que como a nosa casiña…negunha!
Séguenos