Hai unhas semanas, Facebook realizou unha conferencia na que presentaron os seus plans para o futuro da rede social. Un destes foi Facebook Spaces, un curioso concepto que busca que nos relacionemos a través da realidade virtual.
Aínda que levamos tempo falando de realidade virtual, aínda non está implantada na inmensa maioría das casas. A pesar disto, Zuckerber e compañía queren comezar a dar pasos neste mundo e Facebook Spaces é a aposta para iso. Como é? Aquí dámosche as primeiras nocións sobre este novo espazo da rede social.
Como funciona?
Por agora, Facebook Spaces funciona unicamente a través das lentes Oculus (propiedade de Facebook) xunto aos mandos táctiles das mesmas. Con elas podemos mergullarnos nun espazo en 3 Dimensións, ambientados na realidade do noso alreadedor, no que nos podemos relacionar cos nosos contactos.
A comunicación nestes espazos é a través de voz e os coñecidos emoji de reaccións a estados en Facebook. Ademais, aínda que por agora só funcionan coas Oculus, Zuckerberg anunciou que buscarán abrir a contorna a outras plataformas de realidade virtual.
Para quen será?
Para todos os que teñan unhas lentes de realidade virtual. Agora mesmo, Facebook Spaces é gratuíto e está dispoñible para quen queira probalo. Permite relacionarnos con ata 4 contactos e facer accións como mandar mensaxes, realizar videollamadas ou realizar pinturas na realidade virtual para compartilas cos nosos contactos.
Será esta a nova forma de relacionarse no futuro? É difícil aventurarse. Primeiro o hardware da realidade virtual deberá converterse en accesible pafra todo o mundo, e segundo, esta nova maneira de relacionarse deberá ofrecer un plus extra aos usuarios, senón será complicado que nos pasemos.