O Centro de Proceso de Datos Integral da Xunta de Galicia é o “corazón dixital de Galicia”. Esta analoxía co corpo humano xa nos dá unha idea da importancia deste CPD. Non só dá servizo a todos e cada un dos case tres millóns de habitantes de Galicia, senón que ademáis dá servizo a máis de cinco mil centros en toda Galicia.
O CPD da Xunta está ubicado no monte Gaiás (Santiago de Compostela) na Cidade da Cultura; unha ubicación xeográfica axeitada para almacear todo o material informático que a Administración Pública galega pode poñer ao servizo do cidadán.
Leva en funcionamento dende setembro de 2012 e, cando esté a pleno rendemento, albergará o Arquivo Dixital de Galicia; isto é, toda a documentación que xera a administración autonómica: procedementos xudiciais, contidos educativos, expedientes administrativos, DOG dixital, receita electrónica e historias clínicas…
En que che beneficia o CPDI da Xunta?
O CPD da Xunta de Galicia posúe moitos beneficios para o cidadán. Velaquí che explicamos tres que che afectan, ben seguro, de maneira directa:
- Abaratamento e aforro de custes
En primeiro lugar, A unificación de todos os servizos nunha mesma infraestrutura tecnolóxica posibilita un aforro anual de 3 millóns de euros, unha vez rematado o proceso de consolidación da infraestrutura, dous anos despois da súa posta en marcha. O aforro económico é máis que salientable. Aínda así, non é ese o seu principal beneficio - Historial médico en liña
Sabías que o teu historial médico está en liña e pode ser consultado dende calquera punto médico de Galicia? Se cambias a túa residencia e o teu médico de cabeceira, o teu historial clínico acompañarate dende calquera centro médico de Galicia. Fixeches unha radiografía? Xa non terás que gardala, porque estará en formato dixital no teu expediente médico. - Receita electrónica
Xa está en vigor, pero… como é posible que calquera farmacia ou centro médico poidar ter conta da medicación prescrita? A resposta tela no CPD da Xunta, que albergará de xeito progresivo todos os contidos dixitais relativos ao Servizo Galego de Saúde (SERGAS), o eido xudicial, educativo…
Queres saber máis?
Convidámoste a que coñezas de primeira man o CPD da Xunta a través desta visita virtual
Podes ver outro vídeo cunha visita virtual aquí