A fin de semana está ao virar a esquina e é momento de buscar un pouco de lecer para afastarnos das nosas preocupacións do día a día. Para iso, hoxe traémosvos un divertimento un pouco tecnolóxico: tres documentais para coñecer a actualidade da internet.
Estes documentais, a maioría deles feitos no mundo anglosaxón, cóntannos que está a ocorrer en xeral coa rede de redes, cales son os seus principais protagonistas e que eventos están a ter importancia no día a día.
A revolución virtual
Este documental feito pola BBC cóntanos, en catro partes, que ocorreu nas nosas vidas desde a aparición da internet e como transformou a sociedade. Nel podemos ver grandes nomes da tecnoloxía como Bill Gates (Microsoft), Tim Berners-Le (pai da internet), Jeff Bezos (Amazon), Mark Zuckerberg (Facebook), Biz Stone (Twitter) ou Char Hurley (YouTube).
Inside the Dark Web
Este documental tamén producido pola BBC fala sobre un tema moi actual: a vixilancia e o estado da neutralidade da rede. Nel profúndase moito sobre as filtracións de Wikileaks e Edward Snowden, ademais de ter as declaracións dun dos personaxes máis polémicos dos últimos anos: Julian Assange. O documental está en inglés, pero ten dispoñibles subtítulos
The Pirate Bay: AFK
Falar da internet e non falar do P2P (a compartición de arquivos) sería obviar unha parte moi importante da historia da rede recente. The Pirate Bay foi a maior plataforma de intercambio de arquivos mediante torrent que existiu ata agora, e este documental conta toda a súa historia, desde a súa creación ata os seus problemas coa xustiza.