Proxecto Aqualitrans II
AQUALITRANS II é a continuación do proxecto AQUALITRANS, iniciado en 2017 co obxectivo de mellorar a eficiencia enerxética do proceso de depuración de augas residuais nas EDAR. Esta aposta por un novo modelo de EDAR máis eficiente e sostible, co que contribuír aos obxectivos xerais de desenvolvemento sostible, dá un paso máis con AQUALITRANS II.
O coñecemento e a experiencia adquiridos no marco de AQUALITRANS servirán como base para impulsar a comunicación de AQUALITRANS II, aproveitando o camiño percorrido para reforzar e ampliar conceptos.
Obxectivo temático europeo
O proxecto AQUALITRANS II enmárcase dentro do programa “Crecemento sostible a través dunha cooperación transfronteiriza pola prevención de riscos e mellora da xestión de recursos naturais”.
Obxectivo temático 6 de “conservar e protexer o medio ambiente e promover a eficiencia dos recursos”.
Prioridade 6F de “Fomento de tecnoloxías innovadoras para a mellora da protección ambiental e a eficiencia dos recursos no sector de residuos e o sector de auga con respecto ao chan ou á redución da contaminación atmosférica”.
Obxectivo específico OE6F de “incrementar os niveis de eficiencia no emprego dos recursos naturais para contribuír ao desenvolvemento da economía verde no espazo de cooperación”.
AQUALITRANS II é a continuación do proxecto AQUALITRANS, unha acción para dar continuidade aos coñecementos obtidos.
Obxectivos e resultados
O obxectivo xeral de AQUALITRANS II é o fomento de tecnoloxías innovadoras para a mellora da sustentabilidade e a eficiencia no sector da depuración de augas residuais, aliñándoas coas necesidades que xorden coa Transición Enerxética, como son a integración de xeración renovable para maior autosuficiencia enerxética, o aumento da flexibilidade da demanda e a participación activa no mercado eléctrico.
Os resultados técnicos do proxecto serán:
- Desenvolvemento de ferramentas para o dimensionamiento de solucións de autoconsumo en EDAR.
- Implantación de autoconsumo fotovoltaico en EDAR.
- Implantación de solucións de dixitalización de enerxía e auga para integración en Plataforma de Xestión Avanzada.
- Caracterización da flexibilidade da demanda vinculada á operación das EDAR.
- Desenvolvemento de novas funcionalidades na Plataforma de Xestión Avanzada, aliñadas cos obxectivos da Transición Enerxética.
- Transferencia de resultados na contorna das depuradoras.