NOEMÍ BASANTA: O NOSO PATRIMONIO MUSICAL

19. Febreiro 2024 Educación Patrimonial, Patrimonio etnolóxico na Ribeira Sacra

Charla de Noemi Basanta Que fai un estadounidense coleccionando canións? Breve percorrido polo noso patrimonio literario-musical para o alumnado de 3º e 4º da ESO dentro das Actividades do Plan proxecta 2024- Educación Patrimonial. Organizada polo Equipo de Dinamización da Lingua Galega (Dep. Lingua Galega. Iria Fernández Moscoso)

Noemi Basanta (Meira, 1989) é licenciada en Filoloxía Galega (2012) e Filoloxía Portuguesa (2013) pola Universidade de Santiago de Compostela e foi Premio Fin de Carreira da Comunidade Autónoma de Galicia. Tivo contacto por primeira vez cos estudos de xénero logo de obter o grao de licenciatura coa tesiña Lingua e xénero na conversación. Realizou o Máster Universitario en Profesorado de Educación Secundaria Obrigatoria e Bacharelato, Formación Profesional e Ensino de Linguas (2013), onde continuou explorando as interseccións entre lingua e xénero, aplicándoas tamén ao campo da didáctica. Durante a súa etapa predoutoral, formouse coa doutora Pia Pichler na University of London (2015). En 2019, obtivo o título de doutora en lingüística, baixo a dirección do catedrático Xosé Luís Regueira, cun traballo que leva por título As formas cambiaron porque o mundo cambiou: construción discursiva e interseccional de identidades de xénero e sexualidade en conversas sobre ligar.

Durante varios anos, foi persoal do Instituto da Lingua Galega, onde participou nos proxectos CORILGA, Dicionario de Pronuncia da Lingua Galega e Cambio lingüístico no galego actual. Na actualidade, é colaboradora externa desa mesma institución e profesora titular de lingua e literatura galega no ensino medio.

As súas áreas de interese son a variación oral, a análise do discurso e a sociolingüística interaccional aplicada aos estudos sobre construción identitaria.

Últimas publicacións

  • “Memoria das palabras: experiencia didáctica na Fonsagrada”

    Noemi Basanta Llanes (2023): V Simpósio Profletras – USP e II Seminário Internacional Profletras – USP, São Paulo: Universidade de São Paulo, 26-27 de outubro de 2023 – Presentación

  • “Minha avoa dicía “engorde”: autenticidade e ideoloxías lingüísticas sobre a estandarización da lingua galega”

    Noemi Basanta Llanes / Xosé Luís Regueira Fernández (2023): Simposio ILG 2023. Contacto de linguas: identidades e ideoloxías lingüísticas, Santiago de Compostela: Universidade de Santiago de Compostela, 28-30 de novembro de 2023 – Presentación

  • “Galitwiter, como dicimos Gymkhana?”: Ideoloxías lingüísticas e contacto de linguas nas redes sociais

    Noemi Basanta Llanes / Xosé Luís Regueira Fernández (2023): XV Congreso Internacional de Lingüística General, Madrid: Universidade Complutense de Madrid, 14-16 de xuño de 2023 – Presentación

Ver todas as publicacións 

Proxectos nos que participa

Etiquetas

, ,