O xoves, 29 de maio, a compañía Títeres Cachirulo paso por Cee para ofrecer o seu último espectáculo “O libro da selva”, excelente recreación para marionetas da obra de Rudyard Kipling; obra que logrou arrincar os sorrisos, as exclamacións de asombro e os divertidos comentarios do pequeno público asistente.

Arredor de 150 nenos e nenas do 1º Ciclo de Primaria dos diferentes centros educativos do Concello de Cee foron os espectadores desta particular versión do “libro da selva”; rapaces que pasárono en grande grazas a esta actividade que toca o tema da emigración, a adaptación das personas a diferentes medios e a inclusión de xente procedente de outras culturas, á vez que axuda a despertar entre os máis cativos o interese polo mundo do libro.