As nenas e nenas de Cee desfrutaron durante tres xornadas da programación de Ler Conta Moito 2023. A Biblioteca Francisco Mayán programou tres actividades ó mediodía os días 26, 27 e 28 de xullo.

Comenzamos o mércores 26 con 1,2,3 A Contar: Trémola: A gran aventura dos animais. 

Nesta sesión de contos, Emilia,  unha gata moi moi curiosa,  xa está farta de facer sempre o mesmo polo que cansa disto, decide emprender unha viaxe en autobús, acompañada de todos os nenos e nenas presentes. A través de diferentes historias de animais, Emilia transportounos por diferentes cidades, nas que viviu diferentes aventuras, facendo partícipe ó numeroso público asistente e lembrándolle que aínda que estemos de vacacións, os libros son os perfectos compañeiros para vivir grandes aventuras.

Seguimos o xoves 27 con Fran Campos: Fazulas, o ladrón de paraugas. 

Este  espectáculo mergúlounos no eido da curiosidade infantil, cando os cativos se erixen en exploradores do mundo comezando o camiño da súa aprendizaxe. Tamén trata de sensibilizalos en temas como a violencia machista, os conflitos bélicos ou a indefensión que sofren estes en moitos países do terceiro mundo. Un espectáculo que mesturou títeres, música e narración oral facendo pasar unha divertida mañá ós asistentes.

E como colofón,  o venres 28, Tarabela Creativa engaiolou ós nenos e nenas con Astrolabios. 

“Astrolabio” significa “buscador de estrelas”. Durante unha hora, nenas, nenos e acompañantes convertíronse en buscadores de estrelas nunha viaxe ao espazo exterior. Nesta sesión fíxose un percorrido para coñecer o ceo dende as diferentes culturas, mitos e lendas da Terra.

Grazas a estas historias, poidemos descubrir o deserto de Namibia, os pobos maia e azteca, viaxamos ata os aborixes australianos, ata os indios americanos, cruzamos a China ou ata a tribo dos Batammalibas. Aprendemos un monton de cousas sobre a lúa e o Sistema Solar, as nebulsas…. Non hai cohete que nos leve máis lonxe e que sexa máis ecolóxico que os contos, e Tarabela amosounos con este fermoso espectáculo a lectura pode levarnos a onde queiramos, tamén no verán. 

Na mañá do xóves, 19 de maio, Inacio Vilariño – Fantoches Baj, pasou por Cee para ofrecer un espectáculo que atrapou desde un primeiro momento ao público asistente,  a través da narración oral, o humor, os monicreques, e a música; sendo esta última o fío conductor da obra. A historia do tranvía Leonardo, conta a historia do primeiro tranvía a vapor de Galicia; e tal como é contada polo artista, axuda a espertar a creatividade dos cativos, e podo asegurar polas caras de satisfacción dos rapaces ao finalizar a función, que foi do seu total agrado. En definitiva, “O tranvía Leonardo” acadou que 170 nenos e nenas de 2º, 3º e 4º Curso de Primaria dos diferentes Centros educativos do Concello de Cee pasasen unha mañá moi divertida e amena.

O mércores 16 de maio, María Faltri e Jorge Juncal achegaban a 190 rapaces de Educación Infantil e 1º Curso de Primaria dos diferentes colexios do Concello de Cee, a súa Bibliodiscoteca, cargada de fantásticas cancións infantís, acadando convertir o Auditorio nunha auténtica pista de baile, chea de alegría e festa. Cunha atractiva e divertida posta en escena, a “Picadiscos” foi facendo partícipes desde un primeiro momento ao público en xeral, o cal conectou fenomenalmente co desenvolvemento da actividade.

Patrimonio Natural é o título que leva a actividade que ofreceu Mamá Cabra en Cee, na mañá do 10 agosto, espectáculo musical entretenido, interesante e ameno para o público en xeral. Gloria Mosquera e Tomi López a través de diversas cancións, nas que  tratan sobre o coidado da natureza, logran que nenos e maiores reflexionen sobre a importancia do Patrimonio Natural. A actividade, aínda que vai dirixida para nenos e nenas de 3 a 9 anos, resultou moi didáctica para todas as idades.

Divertida e amena actividade de dinamización a que nos ofreceu Magín Blanco, na mañán do venres, día 6 de agosto, co seú espectáculo “O que levamos nas maletas”; contacontos músicado que encandilou a pequenos e maiores, e contribuiu a estimular a curiosidade polas letras e as palabras ao público asistente. Espectáculo dirixido para menores de 10 ano, pero aconsellable para todo tipo de público. Magín Blanco consegue que os asistente non perdan a atención e o sorriso durante os 50 minutos que dura a actividade.

Formando parte do Programa Cultural de Agosto, organizado polo Concello de Cee e máis concretamente no do “No verán LER tamén CONTA MOITO”, tivo lugar na mañán do 6  un recital-conto donde María Lado e Lucía Aldao, convértense en Po e Xía, para dunha maneira moi amena realizar unha homenaxe a todas as autores e autores que coas súas obras converten a infancia nun territorio especial e único. Espectáculo feito con moito sentido do humor e aderezado con cancións, parte dunha historia para demostrar que a literatura pode ser algo moi divertido. Actividade moi aconsellable para os máis cativos e moi útil como dinamizadora da lectura, procurando ser un primeiro achegamento á poesía do público miúdo.

Divertido e ameno musical o que nos brindaron Jorge Juncal e María Faltri, na mañán do luns, día 3 de agosto, co seu espectáculo “Soñando inventei”, formando parte da programación cultural do Agosto Cultural. A actividade resultou ser un concerto moi dinámico e transformador, no que a través da escolla de cancións os artistas van traballando o tema da diversidade e a igualdade de xénero, acadando unha moi boa interacción co público, sobre todo cos máis cativos.

Unha divertida festa musical chea de humor e graza a que nos brindaron, na mañá do 7 de agosto, os extraordinarios músicos, Jorge Juncal e María Faltri co seu espectáculo “Fantasía Musical”. Concerto moi dinámico, onde van aparecendo con cada canción diferentes personaxes e distintas letras do abecedario, sendo a interacción co público unha constante durante toda a función. Espectáculo que resultou ser un fantástico e magnífico remate para o Programa “En verán tamén…Ler Conta Moito” que, enmarcado no Agosto Cultural, organizou a Biblioteca Pública Municipal “Francisco Mayán” do Concello de Cee.

Na mañá do martes 6 de agosto tivemos a satisfacción de pasar unha hora moi agradable grazas aos Contos de Pablísimo, e co seu traballo “O Paroleiro”, excelente actuación de narración oral, chea de diversos contos acompañados de música, cancións, monicreques, sombras e outros recursos cos que o gran Pablo Sánchez fixo pasar, ao público asistente e en especial aos  máis cativos, dunha maneira moi amena unha mañá de choiva en pleno verán. Esta sesión de contacontos é un espectáculo cheo de intensidade e emoción, un regalo visual e sonoro que non deixa a ninguén indiferente.

Divertido e ameno espectáculo musical, formando parte do Programa “En Cee no Verán tamén…Ler Conta Moito”, o que nos brindaron Gloria Mosquera e Diego Maceiras na mañán do 5 de agosto. O grupo Mama Cabra puxo en escena unha función, na que durante case unha hora,  foron alternando diferentes historias (nas que tratan diferentes temas, tales como: o medo, a ecoloxía, o acoso escolar,..) acompañadas de música e cancións, logrando  que o público estivese desde un primeiro momento moi atento ao espectáculo e conseguindo o sorriso constante dos asistentes.