ÉXITO DO ESCAPE ROOM “OS MISTERIOS DA BIBLIOTECA”
Na Biblioteca de Campo Lameiro os cativos pasaron unha tarde moi divertida, na que os nenos e nenas que asistiron tiveron que resolver diferentes enigmas e superar probas para finalmente resolver o enigma final do Escape Room “Os Misterios da Biblioteca”.
Os andeis de libros convertéronse nun lugar misterioso, cheo de segredos ocultos e enigmas por resolver.
Os equipos, tiveron que traballar xuntos para descubrir as pistas escondidas entre os libros.
Cada pista levounos un paso máis preto do obxectivo final, pero que tamén abría a porta a novos desafíos que esixían enxeño, pensamento lóxico e, por encima de todo, traballo en equipo.
BO TRABALLO E PARABÉNS A TODOS OS PARTICIPANTES.
