No día do libro os nenos que se achegaron ó CSC de Santa Marta de Santiago cociñaron un caldo de letras; onde ten un papel moi destacado o público, xa que son eles mediante a colaboración da monitora os que van creando historias a partir das letras do alfabeto. A entoación tamén xoga un papel destacado: puidemos ver como muda de significado a mesma palabra dependendo de como se diga. E para rematar o caldo fixeron a inicial dos nosos nomes con limpapipas. Había tanta xente que non se puido facer na biblioteca, houbo que facelo na Sala Magán do Centro.