O pasado 25 de outubro tivemos en Riotorto ao Mago Teto co seu espectáculo: “a maxia dos contos”.
Foi unha actuación con gran variedade de trucos de maxia que deixou abraiados a nenos e adultos, estivo moi entretido, divertido e moi dinamico xa que o Mago Teto sacaba xente do público para participar.
O 22 de xuño disfrutamos na Biblioteca de Riotorto dos “Contos Animados” de Carballiños contados por Manuel Solla.
Os Carballiños. Manuel Solla
O pasado 22 de maio, Caxoto visitounos por segunda vez na Biblioteca de Riotorto, esta vez co seu espectáculo “coas máns na masa”.
Coas máns na masa
O pasado xoves, 20 de outubro, tivemos na Biblioteca Pública de Riotorto a actuación do Mago Deimi, espectáculo que nos deixou coa “boca aberta” pola gran variedade de trucos que fixo. Tamén cabe destacar que foi un espectáculo moi dinámico e participativo xa que sacou a moitos dos espectadores ó escenario para colaborar nos seus xogos de maxia.
O pasado 19 de maio visitounos na Biblioteca de Riotorto por segunda vez Ton Arenas co seu espectáculo de títeres, nesta ocasión, con ” Raio de Loubican, metade lobo metade can”.
É un divertido e interactivo espectáculo de títeres no que un can faise coa atención de toda a platea contando a súa historia de superación e aprendizaxe.
O 7 de Abril, contamos na Biblioteca de Riotorto coa actuación de Caxoto co seu espectáculo de contacontos: “Miña casa, meu lar” (contos ambientais).
A historia é a de un barrendeiro que pasa polo escenario aproveitando que o espectáculo aínda non comezou para esixir de forma un pouco esperpéntica que se deixe de tirar cousas ao chan. A partir deste momento empeza contando contos, xogos e cantigas de carácter ambiental. Entre outros contidos tocando aspectos como a pegada ecolóxica, a reciclaxe, a auga como fonte de vida… Todo salpementado con datos, curiosidades e anécdotas que permiten sensibilizar na necesidade de coidar o noso entorno para que el nos coide a nós.
Unha actividade moi elaborada, e o artista con moito dominio e técnica para manter a atención durante todo o relato.
O pasado 25 de outubro contamos de novo e por cuarto ano consecutivo coa maxia de Leo Leiño, esta vez co seu espectáculo ” A peregrina Máxica”.
Como sempre un espectáculo cheo de maxía e humor, onde Leo e a súa axudante Cris deleitaron a grandes e pequenos cos seus trucos e as súas historias.
Trécola Producións acompañounos o mércores 6 de outubro na Biblioteca de Riotorto, co seu espectáculo Contos da Lúa.
O pasado martes 14 de setembro, visitáronnos na Biblioteca de Riotorto os magos e ilusionistas Elisa e Ian.
Levaron a cabo o espectáculo: “Historias fabulosas, dous magos e outras cousas” no que fixeron maxia e sombras chinesca usando contos e fábulas como fío conductor.
O espectáculo foi moi entretido, facendo que grandes e pequenos disfrutaran del, e moi novedosos a parte das sombras chinesca que captou a atención de todo o público sin apenas pestanexar.
Por terceiro ano consecutivo nos visitou na Biblioteca de Riotorto a Maga Leo e a súa axudante Cris co espectáculo “A Maxia de Mary Poppins”.
Como en ocasión anteriores ninguén quedou indiferente cos seus trucos de maxia e lograron despertar o interese dos máis pequenos así como dos adultos.
A Maxia de Mary Poppins con Leo Leiño
Séguenos