O xoves 9 de abril ás 18 h. nenos e nenas pasaron unha divertida tarde  seguindo o rítmo camiñando, correndo e saltando,  e  facendo debuxos escoitando cancións axudados por Miren Mirari. A actividae foi moi participativa, e entretenida.

 O xoves 26 de marzo  ás 18 h.   nenos e nenas  disfrutaron durante 45 minutos do espectáculo “Comelibros” de Matapiollos Teatro no que contaron unha historia sobre as bibliotecas e os bibliotecarios e de xeito moi simpático recordaron as normas e actitudes que se deben ter na biblioteca.

 O xoves 12 de marzo ás 18 horas Fátima Fernández  fixo unha sesión de contacontos  moi amena intercalando cancións tradicionais. Os máis  pequeniños disfrutaron e cantaron con ela  o final da sesión.

O sábado 7 de marzo ás 12 da maña Leo Leíño fixo un espectáculo moi ameno, divertido e participativo  con trucos de maxia e humor,  co que desfrutaron tanto os nenos coma os adultos, todos quedaron moi contentos co espectáculo.  O aforo estaba completo.

O sábado 29 de novembro Pavís Pavós realizou unha sesión de contacontos orientada,  a través das imaxes e o contido dos libros, a descobrir e a transmitir valores, achegando dun xeito divertido  a lectura aos nenos.

O sábado día 15 de novembro  Paloma Sánchez Ibarzábal,  cunha sala chea de nenos e pais moi atentos,  despois do contacontos  baseado  na historia “A miña primeira viaxe” acompañado de maquetas e proxección de luces,  realizou unha actividade de debuxos  de naves espaciales.

O sábado 8 de novembro Polo Correo do Vento realizou na Sala Infantil da Biblioteca Pública Juan Compañel unha actividade divertida, didáctica e participativa creando unha grande expectación entre pequenos e maiores.

O xoves 30 de outubro Pavís Pavós tróuxonos a actividade  “Palma repalma, contos para bebés”. Gustou tanto a pais coma aos mais pequeniños porque na actuación ademais contar contos e cantar cancións coñecidas interactuaron cos neos facendo caricias, cóxegas…

O venres 24 de outubro Migallas Taetro realizou o espectáculo “Merenda con pan de millo”. Baseado na libro-disco “Pan de millo” combinan cancións de creación propia  e cancións tradicionais  con narración oral . Ademais de manter a atención dos nenos animaron a cantar e bailar a toda a familia.  A posta en escena foi espectacular con abundante  atrezo e accesorios utilizados polos personaxes na actuación conseguindo a participación dos numerosos nenos e pais.

O día 21 de outubro, na semana de celebracións do Día da Biblioteca, IMASV realizou unha sesión de formación para pais e nais sobre recursos educativos na internet. A pesar do escasísimo aforo resultou moi interesante.