O mércores 8 de outubro, tivemos a visita de  Charo Pita, coa sesión:

“A corpo contado”. Os nenos e nenas xunto cos seus pais, puideron disfrutar coas narracións dos contos que Charo puxo en escena: “A visita”, “Valentina nunca calas e o monstro da media cara”,

“Polo Camiño”,”Una rana?”. Houbo tamén tempo para cancións, onde os nenos participaron aos coros.

Foi unha sesión moi divertida, que disfrutaron a partes iguais, nenos e maiores.

Na tarde do 27 de Maio, visitounos Paco Nogueiras na Biblioteca de Vilalonga. Ofreceunos un  concerto con cancións, animacións e bailes moi divertidos. Empregou diferentes estilos que foron  dende o techno ao rock, pasando polo reggae e a música electrónica. A través das cancións fixo un repaso polas estacións do ano, da natureza, da amizade, xogos e celebracións populares, destacando a festas como o Entroido, o Magosto, o Samaín ou o Nadal. Así mediante estes ritmos, achegou aos nenos as nosas tradicións.

.

Onte á tarde visitounos na Biblioteca de Vilalonga un simpático amigo, Fazulas, un gato moi divertido e curioso. Quería saber moitas cousas, por iso facía un millón de preguntas, e para saber a resposta, non dubidaba en consultar con expertos que lle facilitasen a información . Unha das cuestións que quería descubrir era a cor do vento, e apartir de aí, realiza unha pequena investigación ata alcanzar un sorprendente resultado.

Esta tarde tivemos a visita de Títeres Cachirulo, que nos presentou a Dracus cús cús, un dragón moi simpático que está de aniversario, cumpre 6 anos. Nesta data tan sinalada, ocorre que ten que escupir lume por primeira vez, pero algo fallou, en lugar de lume o que Dracus cús cús bota pola  súa boca, é auga. Desesperado pide axuda a súa amiga Xela, que lle busca un agocho nunha cova secreta. Ata alí, irán os seus compañeiros de clase, e descubrirán un personaxe malvado que vai tentar capturar a Dracus.. Pero xuntos conseguirán un final feliz.

O luns  20 de maio as 18.30 h, foi unha tarde chea de aventuras, descubrimos aposionantes segredos do mundo exipcio, mesmo nos visitou unha momia pouco amigable.

Tamén tivemos ocasión de decoñecer o mundo dos cabaleiros medievais, cun conto onde o seu protagonista Leo, prefería leer libros antes que pelexar como un cabaleiro.

O pasado xoves 25 de Abril, visitounos na Biblioteca de Vilalonga, Manuel Solla. Foi unha tarde moi divertida, disfrutamos dun espectáculo de animación á lectura con maxia, contos, monicreques, cancións. Unha maleta viaxeira sorprendeunos con seres fantásticos que habitan nela. Tamén houbo tempo para escoitar música de violín e bailar, para acabar cunha chiscadela á maxia.

Alicia para as minchiñas, estivo esta tarde na Biblioteca de Vilalonga. Pais e nenos, disfrutaron dun espectáculo de poesía, xogos e música, ao longo de 45 minutos.

Adaptación do famoso conto de Alicia no país das maravillas, a compañía “A Feroz”, encargada desta representación, levou a maxia das páxinas do famoso conto de Lewis Carroll ata a biblioteca, onde poidemos saborear unha cunca de té entre contos e cantos..

Non todo o mundo sabe que as bruxas son intelixentes, as curuxas astutas e os sapos valentes, pero quen si o sabe estivo esta tarde na Biblioteca de Vilalonga, estamos  a falar de Paula Carballeira. Fixo a delicia ddos nenos e nenas que estaban acompañados dos seus pais.

Xuntos descubriron as lendas dun país moi moi lonxe de aquí, nin máis nin menos que de Bagdad, famosa polos seus contos, onde aprecen botellas con xenios no seu interior, alfombras voadoras etc. para dar logo un xiro xigante, e volver aos contos de sapos, bruxas e curuxas.

En todo momento os nenos seguiron o ritmo xestual que marcaba Paula, mentres narraba os contos. Foi unha sesión moi participativa, o que fixo quedar con ganas de máis.

Unha infinidade de personaxes, visitaron esta tarde a biblioteca de Vilalonga, da man dunha nena pequena Güe-güe, que mentras esperaba pola súa avoa quedou durmida nunha cesta chea de verduras. Coñecimos a “Misca” un cariñoso cachorro que buscaba a Güe güe, pero tamén apareceron un coello, un esquío, un lobo, unha cabra, unhas ovelliñas, unha ratiña, unha rá, un paxariño, un crocodilo, un calcetín amarelo, un cabaliño, un ourizo uns parruliños, e finalmente apareceu a avoa de Güe-güe, para recollela e regresar xuntas a casa..

Raquel falounos das pedras en Galicia, están vivas, nelas viven as mouras encantadas, as serpes, os trasnos e máis seres fantásticos.

Falounos do Nubeiro, o responsable de facer fortes treboadas.. Tamén enseñounos o misterio dos petróglifos, que os antepasados gravaron nas pedras  ao aire libre, semellando mensaxes secretas pendentes de descifrar, auténticos misterios ocultos para nós.