Na tarde de onte, na ALM de Dumbría asistimos ao espectáculo de Tarabelos “O traxe novo do rei”.
Estupendo espectáculo que se adapta a un abano amplo de idades.
Os pequenos, moi atentos; os maiores, moi enganchados durante todo o relato.
Na tarde de onte A Xanela do Maxín achegouse á ALM de Dumbría, no concello do mesmo nome, para contarnos as historias e aventuras da gata Lúa.
Precioso contacontos que transmite valores, que entretén, que divirte,…
Gustou a nenos e nenas de idades ben diversas.
Perfecta animación á lectura. A rapazada asistente marchou con moitas ganas de ler o libro.
Moi recomendable U-la Lúa? Lúa quere viaxar a Marte…!
Onte pola mañá visitounos o Mago Paco na biblioteca de Dumbría.
Mesturou contos, xogos, música e maxia que fomentaron, sen dúbida algunha, o interese da rapazada polos libros e a lectura.
Demostrounos que a imaxinación é a mellor e imprescindible ferramenta para vivir.
Á rapazada do colexio de Dumbría encantoulles.
A igualdade non ten idade!
Baixo esta premisa, Luis Vallecillo conseguiu que todos os asistentes á actividade do pasado venres levantasen das cadeiras e movesen o esqueleto.
Bailamos, cantamos, demos palmas e aprendemos moito!
Moi recomendable, sen dúbida.
Esta semana, na nosa biblio, recibimos a Paco Nogueiras, que nos veu amosar o seu Brinca Vai! De aquí a acolá.
Con el aprendemos de ecoloxía, de amizade, de tradicións,…
Concerto moi animado, con moita interacción co público.
Unha boa maneira de darlle un repaso a moitas festas e tradicións da nosa terra.
Os participantes cantaron e bailaron dunrante toda a actuación.
Encantounos!
Esta semana, nas instalacións do Conco, onde se atopa a nosa biblio, descubrimos que a masa de pan serve para moitas cousas.
Partindo do conto de Maruxa, OQO amosounos o segredo dun bo pan; pero, nesta ocasión, non era para comelo, senón para crear personaxes e historias novas.
Os asistentes gozaron moito da actividade.
O pasado mércores visitounos Fran Amil coa súa música na biblioteca de Dumbría, nas instalacións municipais do Conco.
Coma en tódalas súas visitas, pequenos e grandes acabamos cantando e bailando a todo ritmo.
Encantounos!
O venres chegaron á nosa biblio os Contos de Chuches Amil.
Unha tarde na que aprendemos que, ás veces, as cousas non son coma sempre nolas contaron e, a maiores, pasámolo en grande.
Onte o Mago Paco estivo con nós onte pola mañá na ALM de Dumbría.
O seu espectáculo Maxia Divertida 3.0 encantoulles a tódolos asistentes.
Despois, buscamos libros de maxia na nosa biblio e empezamos a practicar para convertirnos algún día en grandes magos e magas.
Segunda visita de MeRe á nosa ALM, este mércores 23. Desta vez tocou escoitar algunha lenda galega.
Como chovía, metémonos no pavillón anexo á biblio. Depois volvemos a ela en grupos para buscar outras lendas e historias de Galicia que se agochaban entre os libros.
Séguenos