Brinca Vai!, é un espectáculo no que Paco Nogueiras, acompañado dos seus instrumentos e a súa querida máquina, interpreta cancións baseadas en temas como a natureza, os xogos tradicionais, ou as festas como o magosto e o Nadal. O humor está presente de principio a fin nesta función, na que maiores e pequenos moveronse a ritmo de rap, techno, rock e reggae, que son algúns dos estilos modernos que caracterizan as composicións.

Pasamos unha tarde agradable escoitando e bailando coa a música Brinca Vai!

O luns, 16 de maio, na Biblioteca Municipal de Dodro, Marisa Irimia homenaxeou ao escritor Manuel María co recitado dalgúns dos seus poemas e co relato de contos inspirados nas súas obras.

Estas historias estiveron protagonizadas por elementos presentes no espazo rural,  unha realidade coñecida polo público asistente que empatizou e disfrutou moito co relato.

Marisa Irimia estivo acompañada por Diana, quen animou a sesión coa música do seu violín, creándose unha atmósfera moi emocionante; experiencia que recomendamos ao resto das bibliotecas da Rede.

Este ano, na Biblioteca de Dodro, adiantamos a celebración do Día do Libro ao venres 22 de abril coa celebración dunha sesión de “Contos de peto” da AC. Cucarandainas.

Cucarandainas, na voz do contador Iago,  achegounos un fermoso conto para gardar no peto. Nel a sobriña de Feroz ensinounos que non tódolos lobos son tan malos e meten tanto medo como din algunhas historias.

A participación activa do público e os obxectos que acompañaron a narración fixeron do contacontos unha experiencia moi divertida e agradable, que recomendamos ao resto das bibliotecas da Rede.

Celebramos o Día da Biblioteca con Magín Blanco que contou e sobretodo cantou, as historias de A nena e o grilo, María da locomotora María Fumaça…Unha tarde entrañable!!.

Onte, 14 de maio, tivemos na biblioteca, o espectáculo do grupo Ghazafelhos co seu espectaculo ”Contos de lobo”: unha serie de contos con lobos.

A combinación destes contos con xogos de acrobacia, maxia e sobre todo moito humor fixo que pasaramos un rato moi entretido.

Onte , 23 de abril, visitounos Pablísimo, para celebrar o dia do libro na biblioteca, co seu divertidísimo espectáculo “Contiario”.
Contounos unha morea de historias, contos con moitos finais, adiviñas, contos-canción, … e fíxonos botar unhas boas gargalladas.

      O venres 24 de outubro, a Biblioteca de Dodro acolleu o obradoiro “Pintamonas, elefantas e xirafas“, unha actividade para celebrar o Dia de la Biblioteca.

   Obradoiro na que os nenos e as nenas plasmaron non papel os seus animais preferidos especialmente coellos, a través do debuxo, mesturas de cores…

O pasado día 16 de maio, na biblioteca de Dodro celebramos o día das Letras Galegas co espectáculo de Baobab Teatro: “Contos para un caldiño”

“Contos para un caldiño” é un espectáculo de contos e teatro, no que o público interactua coa a cociñeira Andrea Ea Ea. Es divertido e dinámico, onde todos gozaron dos contos visuais, contos tradicionais e contos dramatizados aderezados con cancións.

A Biblioteca de Dodro celebrou o Día do Libro cunha entretida e divertida sesión de contacontos: “A maleta da avoa”, a cargo de Raquel Queizás.

Disfrutamos moito dos contos e lendas da tradición oral, que Raquel escoitaba da súa avoa a todas horas e que agora nacen da memoria, dos tesouros e dos libros gardados nunha vella maleta que a acompaña a cada unha das súas actuacións.

Tódolos xoves deste mes de setembro, na BPM de Dodro, tivo lugar este obradoiro impartido por Minia Regos, no que os rapaces e rapazas pintaron decorados, modelaron figuras de plastilina para despois darlles vida…. creando asi uns divertidos curtos de animación.