O 24 de outubro , Día Internacional da Biblioteca, conmemorámolo coa escritora Concha Blanco, na Biblioteca Municipal de Muxía. Concha trouxonos a charla “Muller- Educación. Binomio fantástico”

Foi una charla moi didáctica que puxo de relevo a grande importancia que ten a educación na loita pola igualdade de oportunidades, e tamén como foron moitas mulleres as que conseguiron que esa educación e a formación foran accesibles ás mulleres de hoxe.

Rematou a charla cun fermoso conto sobre a muller e a emigración, sobre as viúvas de vivos – e as fillas desas mulleres- que aguantaron da casa, a familia, do país…soas.

Unha charla moi amena e didáctica, moi recomendábel tanto para centros de ensino, como para público en xeral.

Grazas, Concha

María Lado e Lucía Aldao co público da Biblioteca de Muxía

O pasado sábado, 3 de outubro tivemos a sorte de ter na Biblioteca Municipal de Muxía , a estas dúas artistas- María Lado e Lucía Aldao- co espectáculo “Con dez poemas por barba”. É un espectáculo de poesía, música e humor que achega os poemas destas dúas mulleres dun xeito divertido, pero á vez emocionante. As voces poéticas de María e Lucía non deixan impasible ao público.

Tivemos arredor de 25 peroas no público e disfrutaron moito coa actuación. Moi recomendábel.

O 4 de setembro, Xanela Ocio estivo na Biblioteca Municipal de Muxía, cunha actividade de animación á lectura. Os nenos e nenas de Muxía disfrutaron moito dos contos e títeres, e os papás e mamás tamén.

s nenos e nenas de Muxía disfrutaron na biblioteca cos contos que trouxo Anxo Moure e o seu Carballo con Botas, actuación correspondente ao programa Ler Conta Moito. Entre risos e xogos escoitaron contos e decidiron “plantarse” contra a guerra, contra o lixo nos bosques e nos mares e contra a fame .

Se queredes saber máis destes contos solidarios podedes entrar na súa web e coñecer o seu proxecto cultural e didáctico:

http://www.contosolidarios.org/