O martes 10 de outubro continuando as sesións de contacontos, Anxo Moure, “Carballo con Botas”, chegou á Biblioteca de Outes portando unha carta dos bosques para que os nen@s aprendan a coidar da terra e das árbores.
Despois de contar as historias deulle a cada neno un zapatiño de cartón e saímos ao souto que hai ao lado da biblioteca para abrazar as árbores.
O martes día 4 de outubro comezamos as actividades de contacontos con Brais das Hortas con “contos para caghar patatillas”, contos de medo acompañados de música.
A Santa Compaña cantando un trap, o home do saco, sete bruxas que voan de Moaña e Sevilla…
Historias de medo que nos fixeron rir. Pasámolo en grande, tanto nen@s como maiores.
Este martes 25 de outubro, seguindo coas sesión de contacontos, Tone Martínez de Galeatro achegounos ao mundo dos bechos e da natureza dunha maneira moi especial: dándolle a importancia que estes teñen para conservar o noso medio ambiente e coñecendo de cerca as divertidas aventuras do grilo Millelo, da Mosca Choca, do caracol e a formiga.
Pasamos unha tarde moi divertida tanto grandes coma pequenos e aprendemos que hai que coidar aos bechos.
O martes 18 de outubro Esteban Acuña de Tarabelos contounos o conto “O traxe novo do Rei”, unha divertida adaptación con monicreques do conto clásico de Andersen.
Un espectáculo de marionetas moi divertido e participativo que encantou a pequenos e maiores.
O martes día 11 de outubro, continuando coas sesións de contacontos, tivemos a sorte de contar con Bandullo azul e o seu espectáculo “Filipa cos contos”.
Fran Campos, coa súa guitarra e coa súa inseparable compañeira “Filipa”, fíxonos desfrutar moito escoitando contos de risa pero tamén de medo como “A figueira de Pelostortos”.
Pasámolo fenomenal tanto grandes como pequenos. Foi “Filipante”.
O martes día 4 de outubro comezamos as actividades de contacontos con Charo Pita á procura de Biosbardos.
Lebre, Lagarta, Cangrexo, Abella e o Vento Norberto foron os protagonistas de preciosas historias de camiños, cariño, amizade e da marabilla que é compartir con quen nos quere.
Foi unha tarde moi divertida de contos e cantos.
O martes 19 de outubro a ratiña Faifá de Lonxedetodo veunos contar varios contos como “Turelí, Tureló” e “O Polo Pepe”, entre outros.
Combinando narración, bonecos e música deixou encantados a pequenos e grandes.
O mércores día 13 de outubro MeRe Clown contounos “a verdadeira historia de Hamelín”, unha orixinal adaptación do clásico conto “o frautista de Hamelín” na que se integran técnicas de circo como clown, malabares, equilibrios e acrobacias.
Tarde moi divertida na que non faltaron as risas.
O martes día 5 de outubro comezamos as sesións de contacontos en Outes con Magín Blanco e o seu espectáculo “O que levamos nas maletas”. Contacontos musicado no que interpreta cancións da súa dilatada carreira, animando aos nenos e nenas a participar e cantar.
Tarde moi divertida e chea de música.
O martes 20 de outubro, seguindo coas sesións de contacontos, recibimos a visita de Pavís Pavós na Biblioteca Pública Municipal de Outes. Presentáronnos o seu espectáculo Historias da Marquesa.
Chegaron coa súa maleta máxica herdada da Señora Marquesa. Cada vez que a abrían xurdían máxicas e divertidas historias que mantiveron moi atentos e entretidos a todos os nenos e nenas.
Pasámolo estupendamente!
Séguenos