A mañá do día 11 de agosto os rapaces e rapazas da escola de verán do Pino disfrutaron das cancións, bailes, contos e ensinanzas que trouxo Gemola sobre a igualdade. Unha proposta moi dinámica para rachar cos estereotipos existentes na sociedade actual e que a base de dinámicas interactivas fixo que desde os máis pequenos aos máis grandiños reflexionaran sobre o tema.

Os trinta nenos e nenas que participaron na Escola de Verán do Pino tiveron o pasado 28 de xullo unha animada sesión de contacontos con “Un rato máxico” no centro sociocultural Luis Seoane do Pino. Durante unha hora prestaron moita atención ás historias que lles contaba Diego Calvorota, xunto cos monicreques e divertimentos de maxia que os fixo rir en máis dunha ocasión.

. 

Esta mañá Pablísimo presentou aos máis cativos e cativas do noso Concello os príncipas e princesos que habitan os seus contos.
Case unha hora de historias, risas, música e moita aprendizaxe na Casa da Cultura de O Pino para comezar a celebrar o Día das Bibliotecas con contacontos nos que se lle dá unha volta aos roles de toda a vida. Contos de toda a vida contados dunha maneira diferente, cos personaxes de sempre con roles diferentes e cun toque de actualidade.

O pasado día 4 de setembro un grupiño de nenos e nenas achegáronse á Casa da Cultura para vivir a Aventura de Daniela Pirata.
Tiveron que superar 7 probas a través de contos sobre igualdadade de xénero. Unha xornada de bailar, cantar, pintar, para loitar contra o Capitán que non deixa que as nenas sexan piratas no seu barco, xuntos loitaron contra a desigualdade.

  O Mago Paco achegouse o pasado mércores 14 de agosto á   Casa da Cultura para enchela de contos pero sobre todo de moita maxia e moitas risas. Ían os rapaces, rapazas e demais familia fascinadas coa cantidade de maxia que se pode extraer dos contos. Non chegou a nada unha hora!!

A Casa da Cultura de O Pino recibiu onte a visita especial de Juste Kamishibai papel e teatro e do seu espectáculo “Historias viaxeiras”.
Decenas de cativos e cativas do municipio aproveitaron a oportunidade e gozaron con esta nova actividade da iniciativa “Ler conta moito”, na que os presentes tamén formaron parte das historias que relataba o contacontos.

O pasado mércores 31 Iria Iglesias e Dani Viéitez achegáronse ao Pino para presentarnos a Nuno, o protagonista do seu último libro “Pelo de nube”. 

Tivemos un contacontos, falamos das emocións e rematamos a mañá cun obradoiro de ilustración baseado nun sentimento, todos os participantes marcharon coas emocións a flor de pel.

O 24 de xullo Antía Yáñez achegouse aa a Biblioteca Municipal para mostrarlle ás rapazas e rapaces do Pino a maneira de buscar un tesouro agochado nos libros da súa bilioteca. A través de pistas descubriron como está organizada a Biblioteca, que tipo de libros se poden atopar nela e senón a quen lle preguntar.Desde entón algunha e  algún xa veu facerse soci@!!