O pasado 17 de xullo Eduvía Xestión Cultura e Lecer achegouse ao Pino para ensinarlle aos máis pequenos e pequenas un montón de cancións, frases e ditos da nosa tradición galega. Encheuse o salón social da Casa da Cultura de risos, saltos e personaxes que fixeron da mañá un momento especial no que todos e todas participaron e aportaron os seus saberes 

O pasado día 15 de xullo puidemos disfrutar da actuación de Manuel Solla que nos trouxo un montón de contos, maxia, adiviñas e monicreques á Casa da Cultura posto que foi tanto o público asistente

 que non colliamos na Biblioteca.

As nenas e nenos do Pino o 10 de xullo descubriron que fan as letras na súa casa mentres agardan a que alguén as convide a algún conto. Petaron na porta e o “A” recibiulles con apertas e agarimos para todas e todos. Espertaron ao E, lavaron os dentes coa D, comeron coa C, xogaron coa I, ducháronse coa U e empezaron a ler un libro coa L. Cando estaba rematando a historia escoitaron a chamada para participar nun novo conto e todas as letras marcharon correndo para formar parte desa nova historia. E para botar unha man nese novo conto as rapazas e rapaces de O Pino fixeron os seus propios bonecos das letras.

O pasado 23 de outubro Marisa Irimia visitou o Pino e trouxo consigo una chea de historias da súa Biblioteca Secreta que escoitaron todos os rapaces e rapazas de primaria do CPI Camiño de Santiago. Unha hora chea de historias e alguna marioneta que asomou para acompañar a Mariasa e o seu público.

É así como se deron por rematados os actos de Día das Bibliotecas deste ano 2018, pero xa preparamos os do próximo ano!!

O pasado xoves 11 comezaron as actividades que se propoñen desde o Concello de O Pino para conmemorar o día Internacional das Bibliotecas que se celebrará o próximo 24 de outubro.
Foron os rapaces de 3º da ESO do CPI Camiño de Santiago os protagonistas do obradoiro de #Lercontamoito impartido por Yago García Rodríguez: Desenvolvemento da creatividade a través do debuxo. Neste obradoiro  descubriron diferentes técnicas creativas e se desinhibiron á hora de crear novas ideas a partir de puntos, círculos, visións e outras moitas que se lle propuxeron.

Foron dúas horas que non chegaron a nada, cheas de risas e de creatividade e das que saíron cun montón de propostas para os momentos de bloqueo. 

O pasado 21 de xuño despedimos o curso escolar no Pino e demos a benvida ao verán viaxando por diferentes países e continentes ao son das historias e as cancións de Lydia Botana e a súa bolboreta, “de aquí para alá”.
Case unha hora que se fixo curta entre conto e conto; entre canción e canción; entre baile e baile… e a pesar de que eramos 150 rapaces e rapazas no Auditorio da Casa da Cultura que serve de espazo auxiliar para as actividades organizadas pola biblioteca municipal, tamén este se quedou pequeno para tanta animación!

                      Feliz verán!! Vémonos nas bibliotecas!!