Cancións de animais para nenos case normais

A celebración do día da Biblioteca, veu acompañada de Gustavo que grazas á súa guitarra e ós seus contos, fixeron que os nenos de Primaria do CEIP Avelino Díaz de Meira, pasaran unha xornada de risas e música que a desfrutaron sen dúbida algunha.

Canta, Buguina, Canta!

Esta actividade foi dirixida ós nenos de infantil  do CEIP Avelino Díaz de Meira para celebrar o día da Biblioteca,  na que Marta Ortiz nos volveu a demostrar a súa gran capacidade de facer rir ós máis pequenos  e de desfrutar do mundo das historias que lles vai contando.

Esta representación da man de Marta Ortiz foi representada no salón de actos na Casa da Cultura de Meira, onde está ubicada a Biblioteca e ata alí achegáronse os nenos do cole Avelino Díaz, esta espectacular actuación  rememorou e transmitiu a interesante historia do oficio da costureira. Os nenos seguiron as historias con moito interese e sen perder o ” FÍO” das mesmas, grazas a Marta que coa súa gran actuación e delicadeza de gran artista, fixo que os rapaces desfrutaran e ó mesmo tempo coñeceran os valores tan importantes do oficios das costureiras.

A representación da obra Contos da Lúa, realizada en Meira para os nenos do cole Avelino Díaz de Meira, foi representada na Casa da Cultura onde está ubicada a Biblioteca e descorreu nunha sesión que estivo caracterizada polos risos e as gargalladas dos nenos que se viron moi afanados en escoitar ó artista que os deixou abraiados coas súas historias que lles estaba a contar.

O día tres de abril, a Biblioteca Pública Municipal de Meira, recibiu a Sarabela Teatro dentro do programa de Ler Conta Moito, representando “Conto Espress”. Estivo dirixida ós nenos de segundo e terceiro ciclo de primaria.

O día 24 de abril, a Biblioteca Pública Municipal de Meira tamén recibiu a actividade de “Non máis guerras” dentro do programa de Ler Conta Moito, a representación veu da man de Trinketrinke Teatro e iba dirixida ós nenos de infantil e primeiro ciclo de primaria.

Calquera das programacións foron enfocadas a tódolos alumnos do CEIP de Meira co fin de que tódolos nenos viñeran a visitar a Biblioteca e aproveitar esta saída para levar a cabo as sesións de contacontos.

Foron dúas actuacións espectaculares nas que os nenos e nenas o pasaron en grande logrando sempre por parte dos actores o obxectivo de estender a promoción da lectura e de implicar ós máis pequenos no mundo dos contacontos.

“Mario” foi a segunda actividade dentro do programa de Ler Conta Moito que a biblioteca de Meira realizou e dirixida a un público de cuarto, quinto, sexto de infantil e primeiro ciclo de primaria do CEIP de Meira. Foi unha actuación que tivo como protagonista o libro e a biblioteca. Matapiollos Teatro SC foi o encargado da representación que tamén se  realizou  no Centro Socio-Cultural de Meira lugar onde está ubicada a biblioteca. O obxectivo era acercar o mundo dos libros ó público miúdo para máis tarde facer unha visita real á biblioteca do Concello para que eles foran os principais protagonistas.

O día 25 de abril, realizamos na Biblioteca Pública de Meira a representación do Principiño en Madagascar da man de Raquel Galavís. A representación tivo lugar no Centro Socio-Cultural de Meira lugar onde está ubicada a biblioteca polo que os nenos do colexio de segundo e terceiro ciclo de primaria do CEIP de Meira se desprazaron ata a mesma. Foi unha función que gustou moito na que os nenos se mostraban partícipes do que estaba acontecendo no escenario, implicados en todo momento na viaxe que lles invitaba a facer Raquel.