O xoves 14 de outubro Brais das Hortas visita a nosa biblioteca cun espectáculo que fixo as ledicias dos espectadores. Durante unha hora tivo engaiolados a nenos e maiores coas historias de Lucía, a nena que atopa a maleta da súa avoa no faiado da casa, historias cheas de terror e humor. O espectáculo complétase con música que vai do estilo máis tradicional , romances, ata o máis actual rap e trap. Remata coa nova versión da Santa Compaña que a trae ao século XXI convertíndoa en Santa Compaña.O2.

Pasamos un rato moi agradable e esperamos que volva pronto a visitarnos.

O xoves 30 de setembro a maga Leo e a súa axudanta e irmá, Cristina, visitaron a nosa biblioteca para facernos pasar unha tarde moi  divertida . Libros que votan lume, cordas que se cortan e unen soas, Gachas , un coello gris que sae dunha caixa que estaba valeira, e un final apoteósico con neve e confetis de cores, fixeron as ledicias de nenos e nenas que disfrutaron do bo facer e o bo humor destas dúas artistas. A máis de todo esto no espectáculo reivindican o labor dunha serie de mulleres que contribuíron a facer un mundo mellor . Clara Campoamor, Amelia Earhart, Virginia Woolf, Marie Curie son algunhas das protagonistas dos seus números de maxia.

Esperamos volver a velas pronto pola nosa biblioteca para volver a disfrutar do seu humor e o seu bo facer.

O xoves 23 de setembro o mago Deimi visitou a biblioteca de Monforte de Lemos. Durante unha hora fixo disfrutar a nenos e maiores dun espectáculo de maxia na que os libros e a lectura foron os fios conductores. Libros en branco que por arte de maxia enchen as súas páxinas de cores, xornais dos que saen moedas, debuxos de peixes que se transforman en peixes de verdade e mesas voadoras, son algúns dos trucos que coa colaboración de pequenos axudantes executou para disfrute de todos.

Esperamos que o xoves 30 os pequenos volvan a disfrutar cunha nova actividade que a biblioteca municipal ten programada.

O xoves 15 de outubro Tropa de Trapo visitou a biblioteca municipal de Monforte de Lemos e dende as seis ata as sete do serán contoulles contos aos nenas e nenos que acodiron a velos e escoitalos. Non é a primeira vez que nos visitan, e coma en veces anteriores engaiolaron ao público que participou nos seus  contos nos que as protagonistas non son princesas nin heroínas ao uso, senon cociñeiras, leiteiras e elefantas , personaxes que loitan polos seus dereitos e os  de os demais.

Esperamos que volvan en anos sucesivos e velos e disfrutalos de novo.

O luns 5 de outubro unha nena cun acordeón visitou a biblioteca municipal de Monforte de Lemos. Pedrina é unha nena que vive co seu avó. Unha melodía fai que neta e avó teñan un desencontro que leva á nena a facer unha viaxe ata as rochas da sua contorna que cobran vida ao escoitar esa mesma canción.

Entre as aventuras que lle acontecen un coello roúballe o seu acordeón e un aguia xigante elavaa por riba das montañas e do mar.

O final da aventura Pedrina decátase de que ten que voar e deixar que a súa imaxinación a leve lonxe sen esquecer as súas orixes e co amor incondicional do seu avó.

o xoves 24 de outubro Carlos Coira achegouse a Monforte para traer ao Sr Basilio e contarnos as súas marabillosas ideas. Máis de cen nenos e nenas de nove anos estiveron atentos as historias dun bibliotecario e a súa relación con Carliños. Maxia, cancións e contos foron os protagonistas desta historia.

O pasado venres 18 de outubro na biblioteca municipal poeta Lois Pereiro de Monforte de lemos tivo lugar unha sesión de contacontos que mantivo o interés de 160 nenos e maiores que encheron o salón de actos da biblioteca, dentro da progamación de Ler Conta moito contra a violencia de xénero.

Brais das Hortas e a súa compañeira contaron, tocaron instrumentos e cantaron para deleite dun público entregado que disfrutou coas historias de Carolina, do lagarto da saia da Carolina, da elefanta sabia, dos xigantes… O final participaron das historias e entenderon a mensaxe de igualdade e solidaridade que se desprende de cada unha delas.

O xoves 17 de outubro ás 12 da mañá Mere Clow chega á biblioteca municipal para contarlle a máis de 120 nenos e nenas de 8 anos a verdadeira historia de Hamelin. Durante 50 minutos os pequenos escoitan con moita atención a historia que lles contan e na que participan activamente. Cando remata a función aplauden e amosan a súa satisfacción.

O venres 11 de outubro ás 12 da mañá, nenos e nenas de 7 e 8 anos encheron o salón de actos da biblioteca municipal Poeta Lois Pereiro de Monforte para asistir ao espectáculo de marionetas de Trécola Teatro. A través dos xogos de catro amigos nos presentan un tema moi candente como é o acoso escolar e a discriminación que sofren moitos nenos e nenas. Cunha boa posta en escea fan que o público participe dos problemas dos personaxes e se impliquen na historia.

Esta actividade se encuadra dentro do programa contra a violencia de xénero de ler conta moito

O venres 4 de outubro o mago Deimi visitou a biblioteca municipal de Monforte de lemos. Durante 60 minutos fixo as ledicias de  150 nenos e nenas de 10 anos que encheron o salón de actos da casa da cultura onde se atopa a biblioteca municipal. A actividade é moi participativa xa que o mago escolle axudantes entre o públicico para facer os números e todos pelexan por sair ao escenario.

Trucos de cartas, cordas , libros que se enchen de cores, peixes que saen dun xornal fixeron que os rapaces estiveran atentos e disfrutaran moito.