O pasado día 24 a Biblioteca Municipal de Quiroga celebrou o Día das Bibliotecas en colaboración co IES  Quiroga. Visitaron as nosas instalacións alumnos/alumnas de 1º e 2º da ESO. Logo do percorrido pola Biblioteca participaron na actividade ” BIBLIOCANTA”, a cargo de EUVÍA XESTIÓN CULTURAL. Foi unha actividade participativa e dinámica na que se puxo de manifesto  a importancia de manter viva a  tradición oral . 

Na Biblioteca Municipal en colaboración co CEIP de Quiroga celebramos o Día das Letras Galegas co espectáculo ” Catro Monos” a cargo de Tropa de Trapo. A actividade desenvolveuse o día 15 de maio ás 11:00 h no Salón de Actos da Casa da Cultura coa participación dos nenos e das nenas do colexio. Foi unha actividade moi amena e divertida na  que participaron activamente os asistentes.

Onte , grazas a colaboración do CEIP de Quiroga, celebramos o Día do Libro na Casa da Cultura co Mago Paco e o seu espectáculo “Hocus Pocus”.

O pasado día 23 conmemoramos o Día das Bibliotecas en Quiroga, para iso contamos con Xabier Blanco da Fundación Legar e o seu espectáculo “Literatura afinada” . Moi importante foi a colaboración do IES de Quiroga que fixo posible a participación do alumnado do centro.
Interesante actividade de divulgación literaria e musical que se desenvolveu de xeito ameno e participativo. Sempre é un pracer traballar coa Fundación Legar pola súa profesionalidade.

En colaboración co CEIP de Quiroga, celebramos o Día do Libro co espectáculo ” A Maga Sargantana” a cargo de “Los últimos teatro”. A través do conto e da maxia nenos e nenas convertéronse en protagonistas. Un pracer acoller nas nosas instalacións esta actividade e contar co apoio do CEIP .

O pasado venres a Biblioteca Municipal de Quiroga, contando coa colaboración do CEIP de Quiroga, conmemorou esta data con Xabier Blanco e Martina Ferradás da Fundación Legar. Foi un pracer tanto para os nenos/as como para a organización contar con estes grandes profesionais que combinan maxistralmente a palabra, a voz e a música de raíz.

Onte  a Biblioteca de Quiroga completou o programa de actos  de conmemoración do Día das Letras Galegas co espectáculo de animación infantil “Unha de Piratas”a cargo de AC Os Carballiños. Un conto con títeres, música en directo e moita participación dos nenos e nenas asistentes.

Este sábado, co gallo do Día do Libro, a Biblioteca Municipal programou a actividade “Garavanciña e o esquío. Musicar un conto” con Babaluva Teatro. Foi un espectáculo moi participativo e dinámico tanto para nenos como para adultos. Unha moi agradable experiencia participar en musicar un conto da man de Mirari Urruzola.

Co espectáculo infantil  Caderno de cores e cancións   de Magín Blanco , A Biblioteca Municipal de Quiroga conmemorou o Día das bibliotecas.  Foi unha actividade creativa, dinámica e divertida

para o público asistente.

Nenos e nenas de Quiroga gozaron dunha interesante xornada  de animación lectora e coñecemento contorno  co actividade que se desenvolveu  hoxe no paseo fluvial de Quiroga.

O percorrido interpretativo   polas  marxes dos Ríos Quiroga e Sil, foi unha actividade dinámica e participativa . A través dun conto, de xeito lúdico e divertido os participantes descubriron  e coñeceron  este ecosistema tan próximo  a eles.

A profesionalidade de Diego García  fixo que nenos e nenas gozaran dunha experiencia moi gratificante. Parabéns Diego.