Nenos e nenas de Quiroga gozaron dunha interesante xornada  de animación lectora e coñecemento contorno  co actividade que se desenvolveu  hoxe no paseo fluvial de Quiroga.

O percorrido interpretativo   polas  marxes dos Ríos Quiroga e Sil, foi unha actividade dinámica e participativa . A través dun conto, de xeito lúdico e divertido os participantes descubriron  e coñeceron  este ecosistema tan próximo  a eles.

A profesionalidade de Diego García  fixo que nenos e nenas gozaran dunha experiencia moi gratificante. Parabéns Diego.

A Biblioteca de Quiroga, acolleu onte o contacontos ” O León azul”  a cargo de Trécola Teatro. Parabéns ás actrices , o público gozou dunha interesante e divertida actividade, que a través do conto transmite importantes valores.

Actividade participativa e divertida con música en directo.
A fada dos cabelos turquesa e Pepino traballaron, a través do conto de Pinocho, temas tan importantes como a amizade e a liberdade .

Mamá Cabra: Gloria Mosquera e Tomi  López  achegaron a Quiroga o espectáculo

” Patrimonio Natural”

Onte nenos e nenas de Quiroga gozaron dunha tarde de música e contos co espectáculo ” Parque natural” a cargo

de Gloria Mosquera e Tomi Lopez.Foi unha actividade didáctica e divertida na que os asistentes bailaron e catanron ao

tempo que   aprenderon a coidar e respectar o medio ambiente.

Nos arredores da Biblioteca Municipal de Quiroga, tivo lugar esta espectáculo de dinamización lectora e animación na que participaron nenas e nenos e tamén maiores. Todos da man de Ramona, viaxaron no tempo e descubriron os seu interesantes inventos . Actividade dinámica, divertida e moi participativa que fixo que o público gozase dunha agradábel xornada da man de “Pakolas”.

Actividade de animación e música a cargo de Paco Nogueiras, doce cancións recollidas no libro-disco do mesmo título conformaron o programa de de radio que se desenvolveu o sábado no Salón de Actos da Casa da Cultura e no que participaron nenos e acompañantes . Adultos e nenos gozaron por igual neste espectáculo dinámico, participativo  e divertido.

O pasado sábado ás 20:00 h, a Meiga Xela, Pepón e outros persoaxes fixeron que público infantil,   tamén o adulto, gozaran do gran espectáculo musical Música Miúda en concerto.

O pasado sábado celebramos o Día da Biblioteca  co espectáculo  Cecilia e a súa boneca a cargo  A Run Run Teatro.Un espectáculo que contau con todos os ingredientes para sorprender gratamente ao público: coidada escenografía, dúas  grandes actrices e un  gran  actor  que, a través da fantasía de Cecilia e a necesidade de Ingrid de ser humana, realizaron un percorrido polos clásicos infantís.

Nenos e nenas do CEIP de Quiroga participaron hoxe do espectáculo  Noa no espello a cargo de Sarabela. Con esta  actividade,  divertida e participativa,  fomentamos   hábitos de lectura e promovemos a  educación en igualdade.

O pasado sábado desenvolveuse na Biblioteca de Quiroga o obradoiro Rosalía tod@s por igual a cargo de Tarabelos. A través da figura de Rosalía, e da man   bos profesionais de Tarabelos,   nenos e nenas  achegaráronse a nosa literatura, historia, tradicións e mesmo  crearon a súa obra de arte  pola igualdade. Foi una actividade moi amena e divertida.