Anxo Moure visitou a Biblioteca de Quiroga, cunha actividade moi dinámica e divertida, onde nenos e nenas dos Campamentos de Verán desfrutaron dos seus contos sobre igualdade. reciclaxe, natureza, comercio xusto.
Este mércores na Biblioteca Municipal de Quiroga os menos e nenas dos campamentos de verán coñeceron a verdadeira historia de Hamelin con Mere Clown. A través da música, malabares, e moito humor descubrimos cal foi a verdadeira historia.
Actividade dinámica e divertida na que o artista fai participar a todo o público asistente
O sábado, día 27 de outubro, ás 19:00 h, desenvolveuse na Biblioteca de Quiroga a segunda actividade programada co gallo do Día de Biblioteca. O espectáculo de maxia “Atrapado na Torre” a cargo de Chrystyan Magic foi participativo e divertido tanto para o público adulto coma para o público infantil.
O pasado sábado, día 20, a Biblioteca Municipal de Quiroga acolleu o primeiro espectáculo de animación lectora programado co gallo do Día da Biblioteca.
” Pequeno Cabaret Infantil” a cargo de Nelson Quinteiro é un espectáculo dinámico e participativo para nenos/as e adultos que de xeito cómico fai un percorrido polos contos clásicos populares que nenos/as e pais coñecen. O numeroso público asistente mostrou a súa satisfacción e desfrutou con esta actividade .
O pasado sábado , día 22, a Biblioteca Municipal de Quiroga conmemorou o Día do Libro co espectáculo “As maxias máis máxicas de tódalas maxias. A maxia de Carlos Casares” a cargo do Mago Martín Camiña. Un espectáculo máxico que a través do encantamento da a coñecer a vida e obra de Carlos Casares : ” As laranxas máis laranxas de tódalas laranxas” .” Toribio”, “A galiña azul” son un referente ao longo deste espectáculo máxico e literario.
O pasado sábado a Biblioteca Municipal de Quiroga, dentro dos actos de celebración do Día da Poesía, contou coa actuación de Sarabela Teatro co seu espectáculo “Conto Express”.Este espectáculo, dirixido a público infantil, resultou moi interesante tamén para os adultos acompañantes por ser dinámico, participtivo e formativo.
A Biblioteca Municipal de Quiroga conmemorou o Día das Bibliotecas coa representación ” Camiño de Historias” a cargo de Migallas Teatro. Foi un espectáculo divertido, ameno e participativo.Conxuga distintas disciplinas artísticas como a música, a narración o debuxo e os títeres con gran profesionalidade para fomentar a lectura, a creatividade e a educación en valores, etc. O público adultuo e infantil disfrutou con esta actividade que se desenvolveu na Casa da Cultura onde está ubicada a Biblioteca Municipal.
Día do Libro na Biblioteca Municipal de Quiroga. Espectáculo “Cantamos un Conto?” de Luis Vallecillo
Esta actividade desenvolveuse na salón de actos contiguo a biblioteca, o sábado día 23, para conmemorar o Día do Libro. Contou con moito público infantil e adulto . Resultou un espectáculo moi interesante e participativo grazas a interacción do artista co público tanto infantil coma adulto. Unha agradable actividade para fomentar o hábito de lectura.
O luns, día 21, a partir das 18:00h desenvolveuse a actividade ” Gran xogo das Letras Galegas” con “Eduvía”. Nesta actividade participaron quince nenos e nenas e tamén algúns pais e nais. Foi unha actividade dinámica e divertida na que os equipos participantes aprenderon xogando.
Na Biblioteca de Quiroga conmemoramos o Día da Biblioteca cun obradoiro de títeres de persoaxes de contos clásicos, a cargo de A Xanela Ocio. Na actividade participaron vinteseis nenos e neanas en idadades comprendidas entre os 4 e os 12 anos . O persoaxe elixido foi Caparuchiña Vermella. A través deste obradoiro fomentamos o interés pola lectura, a apredizaxe de diferentes coñecementos e habilidades nun contexto de interacción social. Cada participante elaborou o seu títere de Caparuchiña Vermella que logo levaron para a súa casa.
Sen dúbida foi unha tarde entretida e interesante.
Séguenos