O martes 21 de xuño, na biblioteca de Sober , as persoas maiores que acuden as actividades programadas para eles, disfrutaron dunha tarde de contos con  Carmen Conde. narradora oral que traballa  o maxín, o descurso propio, a creación de mundos e algo fundamental: a escoita.

O venres 3 de xuño entre as 17h. e as 19h. tivemos na bpm de Sober o contacontos con obradoiro “Coas mans na masa”, basado no conto de OQO “Maruxa”. Na primeira parte Raquel narrou o conto para posteriormente realizar un obradoiro onde os asistentes realizaron as iliustracións do libro pero feitas con masa de fariña para rematar de decoralas con pinturas de cores.

Os nenos, nenas e adultos asistentes a esta actividade  marcharon para casa cunha mensaxe importante : as tarefas do fogar non teñen xénero, gracias a historia de “Maruxa ” , que tan ben contou Raquel de OQO Editorial.

Tarde de contos e debuxos, primeira actividade do programa de animación á lectura Ler conta moito nas ‘Merendas con Contos’. O grupo ‘Polo Correo do Vento’ presentou a súa obra Periplo Atlántico aos nenos e nenas participantes no noso programa de animación á lectura dos venres. Os asistentes disfutaron da narración e dos debuxos que os autores de Periplo Atlántico desenvolveron dun xeito ameno e participativo. 

O martes 27 de xullo na BPM de Sober tivo lugar un obradoiro de narración oral coa participación de Carmen Conde, de Tarabela Creativa.

Os nenos e as nenas participantes elaboraron historias fantásticas , asesoradas por Carmen , unha gran profesional, coa que pasamos unha mañá moi divertida. Actividade moi participativa e creativa.

Nunha mañá do campamento de verán, organizado pola biblioteca de Sober, os nenos e nenas participantes asistiron a un obradoiro de debuxo realizado por Xosé Manuel Fernández Montes. Aplicando as técnicas que lles explicou o creador, os participantes utilizaron lapiceros e rotuladores para conseguir representar os diferentes personaxes dos cómic ( Superman, Lisa Simpson…) dunha forma doada e divertida. Ao remate lemos  o conto “A toupiña que quería saber quen lle fixera aquilo na cabeza” a partir das fermosas viñetas realizadas por Xose Manuel.

Iria Iglesias e Dani Viéitez ( @estudio gnomo ) presentaron en Sober a súa proposta para una alimentación equilibrada, a través do” Raposo Rufo” e as súas receitas de comida sa e equilibrada. Os creadores involucraron aos nenos e nenas na elaboración de pratos , amosándolles que a cociña pode ser divertida e deliciosa, elaborando receitas que eviten o abuso de azucre e graxas, dándolle importancia aos productos naturais como froitas e verduras.

O venres 16 de outubro ás 17:30h. na BPM de Sober  tivemos a última das actividades programadas no ciclo Ler conta moito. Estivo en Sober a compañía Aldaolado, có seu espectáculo “Pó e Xía”.
Esta é unha actividade de dinamización con música, teatro e danza, dirixida a nenas e nenos a partir de 6 anos , onde as protagonistas ( unhas nenas moi “trastas” ) narran as aventuras que teñen no seu cole e que as leva ata a biblioteca onde comezan a apreciar a poesía , o que fará delas unhas grandes lectoras.

Aldaolado realiza unha mestura de poesía con humor e música. Espectáculo moi entretido que capta a atención dos nenos e as nenas dende o primeiro momento.

Xoán Curiel estivo en Sober e contounos a maneira de formar un grupo de música. A través do teatro e da música coñecemos todos os pasos para montar unha banda de verán, os distintos instrumentos e estilos musicais coma o rock, pop, funk, reggae, rap…

Foi un conto – concerto moi dinámico, rítmico e particpativo!

Anxo Moure visitou Sober có seu patinete moi ben decorado con nubes de cores. “O nubinete” chegou as instalacións das piscinas municipais onde o agardaban os nenos e as nenas do campamento de verán da biblioteca.

Escoitamos fermosas historias de árbores, prantas e animais, que nos amosan o problema do cambio climático e cómo debemos comportarnos para mellorar o noso entorno natural.

Foi unha mañá moi divertida e tamén comprometida có noso planeta.

O mércores 23 de outubro estivo na BPM de Sober a contadora Fátima Fernández. Os integrantes do CL Pintor de Castinande escoitaron as historias narradas por Fátima ; historias das viaxes dos nosos mariñeiros ; historias de mulleres dos pobos galegos , criadoras de galiñas moi especiais. Con gran simpatía e profesionalidade a narradora conquistou aos asistentes á reunión semanal do CL.