Introdución sobre o circo e a súa historia.
Fabrícanse xogos malabares para a realización do obradoiro, para aprender a elaborar e compartir os xoguetes e os coñecementos.
Expóñense diferentes técnicas de malabares: lanzamentos, xiros, equilibrios, etc.

Entre pocións, plantas e libros mora acubillada Flora, unha muller que emprega procedementos experimentais e mesturas explosivas practicando a ALQUIMIA MODERNA! Aprenderedes a facer experimentos básicos, así como inventoras das que nunca oístedes falar. 

Obradoiro para coñecer as diferencias entre os produtos de limpeza e cosmética naturais e químicos, así coma os seus efectos sobre a nosa saúde e o ambiente.
A actividade consistirá nunha exposición de diferentes produtos químicos de limpeza, cosmética e hixiene persoal e as súas alternativas naturais.

Anxo Avelino Moure Mosquera en na Axencia de Lectura do Concello da Mezquita.                               Sabes coser? imos tecer unha árbore para atrapar contos solidarios. Aprendemos a coser tenrura, esperanza, igualdade e futuro. Para rematar plantamos unha árbore en contra da violencia de xénero “A sobreira tecedeira”

Cecilia recibe unha carta moi especial dende o pais dos bonecos. Ingrid, a súa boneca, está atrapada e precisa axuda para converterse en humana…

“Só por amor doutra humana conseguirás abrir as portas que te conducirán á liberdade”  

   Contacontos con Obradoiro de Ciencia Divertida en A MEZQUITA
Realización dun contacontos  no que dende a comedia e a interacción co público, facemos un achegamento as persoas participantes ao mundo da ciencia e a relevancia da figura da muller neste ámbito a través do tempo.
Tralo conto, realízase un obradoiro de ciencia divertida, no que as crianzas pasan a converterse en pequenas científicas elaborando as súas propias masas máxicas que levarán como agasallo ao rematar a actividade. Estivo moi ameno e os nenos quedaron encantados

O mago David Méndez pasou polo Concello da Mezquita o día 5 de agosto. O seu espectáculo gustou moito, facendo as delicias tanto dos nenos como dos maiores.

Esta actividade é o resultado dunha mestura entre maxia, comedia e improvisación, onde a participación do público está presente en todo momento

Actividade de igualdade, onde se invita a reflexionar sobre as diferentes facetas da muller que vive a carón do mar.
Mariscadoras, científicas, tabaqueiras, escritoras, redeiras, nais…
O espectáculo teatral é interactivo polo que se precisa  a axuda dos asistentes para os xogos e os enredos.

Esta actividade realizouse na Praza do Concello da Mezquita

Pequena introdución á simboloxía que rodea os zonchos, tan vinculada ao realismo máxico que forma parte da idiosincrasia galega. Os zonchos son colares que se lle agasallan ás crianzas pola época de Defuntos para protexelos das ánimas. Ademais cada castaña que se regala e come do zoncho serve para salvar unha ánima.

Actividade realizada no entorno da Piscina Municipal do Concello da Mezquita

AGRADABLE TARDE DOS NOSOS NENOS NA BIBLIOTECA DA MEZQUITA, NA QUE REALIZARON AS FORMAS BÁSICAS DAS LETRAS MINÚSCULAS E MAIÚSCULAS.