Onte tivemos o pracer de acoller na Biblioteca Pública de Maceda ao mago Paco coa súa marabillosa actuación “Contamaxias: contos e maxia mesturados”, unha proposta chea de imaxinación, humor e sorpresa.

Durante o espectáculo, grandes e pequenos gozaron dunha viaxe máxica na que os contos cobraron vida a través dos trucos, a participación do público e a simpatía do artista. O mago Paco soubo conectar dende o primeiro momento coa audiencia, enchendo a biblioteca de risas, ilusións e momentos inesquecibles.

Foi unha actividade chea de encanto e creatividade, perfecta para fomentar o gusto pola lectura e a maxia entre o público infantil e familiar. Dende a Biblioteca de Maceda queremos agradecerlle ao mago Paco o seu talento, a súa enerxía e a súa capacidade para facer que cada asistente volvese a crer un pouquiño máis na maxia.

Unha experiencia fantástica que agardamos repetir moi pronto!

Hoxe en Maceda desfrutamos dunha actividade moi especial con rapaces e rapazas de 12 a 15 anos: un obradoiro de lettering baseado no cancioneiro popular galego.

A través das letras das nosas cantigas tradicionais, os participantes crearon pezas artísticas cheas de cor e personalidade, aprendendo ao tempo sobre a nosa cultura e tradición oral.

Foi unha sesión moi didáctica e divertida, que tivo moi boa acollida e que combinou á perfección creatividade e patrimonio. Un pracer ver como a mocidade se conecta co noso pasado de

Hoxe na Biblioteca de Maceda tivo lugar a actividade “Voces en conflito: entendendo os discursos de odio”, dentro do programa Ler Conta Moito. Foi unha sesión didáctica, dinámica e moi participativa, que buscou facer reflexionar ao público asistente —especialmente á mocidade— sobre como se xeran, difunden e normalizan os discursos de odio na sociedade actual.

A través de dinámicas de grupo, exemplos reais e ferramentas de análise crítica, traballouse sobre a importancia de identificar estes discursos e de fomentar actitudes baseadas na tolerancia, no respecto e na convivencia. A actividade resultou moi enriquecedora e adaptouse perfectamente ao contexto dunha biblioteca como espazo de encontro, formación e pensamento crítico.

Grazas a todas as persoas participantes e ao equipo que fixo posible esta xornada de aprendizaxe tan necesaria nestes tempos.

Este venres a maxía inundou as salas da biblioteca de Maceda

A actuacón de Nami e o mago da boina foi unha gran espectaculo de maxía que fixo as delicias de pequenos e maiores. Os dous artistas angailoron ó público coa súa arte e humor vinculando o mundo dos libros co da maxia.

O obradoiro de “As raicea da escritura creativa” chegou a Maceda para deixarnos a sementeira da escritura creativa. Ana Abad de Larriva deixous as pautas e o vermiño para comenzar a practicar a esctitura creativa.

Moi recomendable

As monitoras da academía Curuxas fixéronos un percorrido polas mulleres científicas máis senlleiras. Con unha metodoloxía amena e dinámica coñecemos a mulleres como Marie Curie, Rosalind Franklin, Angela Robles e un longo etc. Unha actividade moi recomendable.

o pasado venres 11 de outubro Alba Farto estivo con nos para ensinarnos lettering con unha metodoloxia práctica, dinámica e amena.
A actividade gustou moito entre o público asistente, que grazas a implicación e bo facer de Alba Farto sai da activided coñecendo as tecnicas de lettering

Hoxe a mañá puidemos desfrutar con Cristal Mendez e Daniel Alonso cun espectáculo que, mediante a música e a poesía, daba forma a diversas historias cunha forte perspectiva de xénero, unha visión crítica da historia e actualidade mediante a tradición exposta de forma crúa e valente.

Unha interpretación necesaria e moi recomendábel.

O pasado xoves 5 de outubro estivo cos rapaces de cuarto da ESO do IES San Mamede de Maceda Carlos Lorenzo, fotografo, coa actividade “A mirada Poética da fotografía”, a través da cal foi artellando un discurso pola obra de diferentes autores e os significados das súas obras, nunha combinación de  fotografía e poesía que se retroalimentaría.