Dento do programa de obradoiros “Semente de Igualdade” que se está a levar a cabo no Concello de Viana do Bolo, onte contamos coa visita da escritora Andrea Barreira, quen nos achegou unha historia moi especial, a da aviadora Amelia Earhart!!

Onde está Amelia Earhart? é un obradoiro-contada que nos permitiu descubrir a vida desta aviadora, rompendo así os roles de xénero.

Falamos sobre a súa historia, conformamos o noso propio clube de aviación, deseñamos e decoramos os nosos propios avións de papel. Por último, detrás da estela de Earhart, cada participante debuxou o lugar onde pensa que está a aviadora para, finalmente, construír elaborar un mapa coral.

Unha actividade moi entretida e divertida que nos levou a épocas e lugares descoñecidos!!

Dento do programa de obradoiros “Semente de Igualdade” que se está a levar a cabo no Concello de Viana do Bolo, o luns tivemos unha visita moi especial…

Acompañounos Anxo para mostrarnos e demostrarnos que con tan só papel de cores e tesoiras podemos realizar unha orixinal representación de títeres…

Partindo do conto tradicional de “Gran de Millo” a  rapazada debía adaptar ese conto e cambiar non só as personaxes senón tamén os distintos roles masculinos e
femininos das mesmas, as diferentes tramas, os escenarios da historia, etc.

Ao final os distintos grupos realizaron a súas representación diante dun público moi atento e agradecido!

Dento do programa de obradoiros “Semente de Igualdade” que se está a levar a cabo no Concello de Viana do Bolo, contamos o  pasado venres 30 de xuño coa presenza da ilustradora Estefanía Padulles, quen ensinou a nenos e nenas a diferenza entre debuxar e ilustrar, a importancia da creatividade e o estilo propio á hora de debuxar, e unha morea de ideas sobre cómo sacar o noso lado máis artístico.

Tamén coñecimos a importantes mulleres que por diversos motivos fixeron historia (Rosalía de Castro, María Merian, Ada Lovelace, etc.)

Ao final da actividade nenas e nenos debían realizar unha ilustración dunha muller de referencia nas súas vidas e convertila na súa particular superheroína!!

Con esta actividade reflexionamos sobre o papel das mulleres que nos rodean e de cómo cada unha delas ten moitos “superpoderes”!

Dento do programa de obradoiros “Semente de Igualdade” que se está a levar a cabo no Concello de Viana do Bolo, contamos o  pasado xoves 29 de xuño con unha actividade moi divertida e creativa na que a rapazada deseñou as súas propias chapas!!

Os deseños estaban relacionados coa igualdade e o respecto e cada un dos/as participantes levou para súa casa unha morea de coloridas chapas.

Onte tivo lugar na BPM de Viana do Bolo un creativo e divertido obradoiro titulado “Mulleres Pintoras”. Unha actividade coa que se deu coñecer e visibilizou o traballo de grandes pintoras coma Maruxa Mallo, Menchu Lamas, Remedios Varo…

A actividade consistiu nunha breve explicación sobre que son as cores e como se producen,  mentres visualizamos as obras máis representativas de estas mulleres.

Despois realizamos un exercicio práctico de pintura a gran escala (mural) onde a paleta foi cooperativa!!

Mircromina Teatro de Títeres visitou onte á Biblioteca Pública Municipal de Viana do Bolo para representar o seu espectáculo “Cousas de Casas”.

A actividade achega á cativada conceptos tales como a conciliación, a corresponsabilidade no fogar, a igualdade… Todo isto contado a través dunha historia chea de música e diversión.

A rapazada asistente riu, cantou e implicouse no espectáculo dende o comezo ata o fin.

          

O pasado venres 22 de outubro contamos coa presenza da escritora María Canosa na Biblioteca Pública Municipal de Viana do Bolo

Canosa conta con máis de 50 obras publicadas  e 10 premios literarios é , hoxe en día, un dos referentes da literatura galega actual. Con ela repasamos a interesante vida e obrade Emilia Pardo Bazán no ano que se cumpre o centenario da súa morte.

A actividade contou coa presenza dunhas 20 persoas que gozaron da exposición de María e que se implicaron no percorrido pola biografía de Pardo Bazán, unha das autoras galegas máis importantes.

Onte tivo lugar na BPM de Viana do Bolo o interesante e divertido obradoiro “Dende Exeria a Xela Arias”.

Un obradoiro  no que os/as participantes repasaron a figura de importantes escritoras galegas. Un itinerario que no que afondamos na obra e na vida de grandes referentes intelectuais coma Rosalía de Castro, Concepción Arenal, Filomena Dato, Exeria, Xela Arias…

Unha actividade xenial para conmemorar o “Día das Escritoras”.

Sarabela Teatro representou onte na Biblioteca Pública Municipal de Viana do Bolo o seu espectáculo de narración oral “Naturizo e o espírito do bosque”, no que se narran as historias e aventuras deste peculiar ourizo cacheiro.