O martes 17 de outubro, un día moi escuro para o monte da nosa parroquia e o da comarca, chegou a axencia de Guillade o Carballo con botas montado na súa titiricleta.
Os nenos gozaron dun espectáuclo con monicreques solidarios que defendían valores fundamentais como a paz, a colaboración, a importancia de coidar o medio…
Foi emocionante ver como os nenos abrazaban as árbores que rodean a nosa biblioteca.
O martes 16 de maio, Cris de Caldas descubriunos coa actividade ” a galiña azul e compañía” a vida e a obra de Carlos Casares a través dun relato ameno e divertido.
Os nenos pariticparon representando una escea da galiña azul e regresaron as súas casas ledos e desexando ler os libros infantis do autor. O marcapáxinas de galiña azul seralles de utilidade. 
O martes 18 de abril, Jorge e María encheron a biblioteca de Guillade coa súa música. Unha magnífica actuación, onde escoitamos cancións baseadas en poemas, bailamos con divertidas coreografías…, e dicir, pasamos un rato entretidos gozando das infinitas posibilidades que nos abren os libros.
O martes 18 gozamos coa actuación de José Juste que coa técnica do Kamishibai, do emaki e outras nos invitou a un mundo máxico, tanto os máis cativos como os adultos que os acompañaron.
Un espectáculo diferente que agradou a todos asistentes.
Durante unha hora e media, divididos en catro equipos (“Maria Mariño”, “Rosalía de Castro”, “Castelao” e “Manuel María”) e lanzando, por quendas, un dado enorme, os participantes realizaban as probas indicadas -pictionary, a crear, sorpresa…
Todas as probas estaban relacionadas co Día das letras Galegas, coa súa historia, e cos autores homenaxeados ao longo do tempo, con especial atención ao poeta Manuel María.
Unha divertida, animada e participativa forma de aprender cunha actividade na que nos divertimos ao tempo que descubríamos información relacionada co galego e cos autores galegos.
Para rematar, os equipos gañadores recibiron felices o aplauso dos comp
añeiros.
O martes 19 de abril para celebrar o día do libro na axencia de lectura de Guillade recibimos a Pinga Teatro. Mais de trinta persoas gozamos con dous contos moi entretidos e dinámicos : a toupiña que quería saber e outro dunha bruxa malísima.
Despois, coa participación activa do público, continuou a actuación cunha interpretación de guitarra inesquecible.
O martes 12 de maio na axencia de lectura de Guillade contamos con Anxo de Viravolta Titeres para aprender a realizar os nosos primeiros monicreques usando a técnica da papiroflexia e empregando folios de cores variadas.
Cada neno elaborou o seu monicreque e deixou voar a súa imaxinación a hora de decorar cada titere. Para rematar fixeron unha pequena representación e as risas encheron o local da Axencia de Lectura.
O día 21 de abril, para abrir boca de cara a celebración do día do libro, celebramos na axencia de lectura de Guillade,unha representación de maxia cómica da man da inigualable Leo Leiño.
Todo o publico, gozou dos números, dende unha linda galiña que puña ovos máxicos, ata un libro que ardía, un neno que se converteu nunha fonte, un billete especial, unha batalla de ovos…..
Aínda resoan as gargalladas.
Historias contadas dende a perspectiva de xénero e igualdade, para ir concienciando ao público máis novo, onde o rol feminino sexa, non o tradicional nos contos, senón algo igualitario.
Xogando e contando, apréndese a formar en igualdade e ponse de manifesto que os principes azuis non existen xa que destiñen.
O mércores oito de outubro celebramos na axencia de Lectura de Guillade unha sesión de contacontos con Expresións Producións. Os nenos e o os papas permaneceron moi atentos a actividade e colaboraron na representación improvisada dun conto coas personaxes de dragón, gato, princesa, páxaro….
Séguenos