O pasado martes, 24 de outubro tivo lugar na Axencia de Lectura Municipal de Areas a actividade “Un outro mundo por descubrir; as viaxes de Irene“ actuación de Solidariedade Internacional de Galicia. Esta actividade foi realizada coa conmemoración coincidindo o Día da Biblioteca.
Tanto os nenos coma os adultos quedamos marabillados cos contos e historias de África, as lembranzas, a vida cotiá, os costumes, alimentación, música, baile, a flora e a fauna, etc… unha actuación na que ademais de escoitar contos puidemos sentir os aromas das especias orientais e mesmo tocar área do deserto, etc…
Actividade moi entretida na que os nenos e adultos puideron “viaxar” sin saír da biblioteca por distintos países de Oriente Próximo, como o Líbano, Jordania ou Palestina… e poder experimentar todas esas vivencias que teñen noutros lugares do noso planeta e súas culturas.

O pasado venres 12 de maio, Larraitz visitou a axencia de lectura municipal de Areas para presentar o espectáculo “Babacontos con Carlos Casares”. Unha actividade de animación especialmente dirixida a nenos e nenas de entre 4 e 12 anos de idade. O espectáculo iniciouse ás 12.30 con nenos do Colexio Rural Agrupado “A Picaraña” no salón de actos anexo á biblioteca, da Casa Cultural Artística e Deportiva de Areas donde está situada a axencia de lectura, cunha duración aproximada de 50 min.
Aproximadamente eran 75 nenos e os seus correspondestes mestres, Larraitz, empregando as ferramentas da narración oral tradicionais, presentou alguns dos contos de Carlos Casares “Toribio e o contador de contos”, “A galiña azúl”, “As laranxas máis laranxas de tódalas laranxas”… acompañando con música, animando a bailar os nenos coas mans… e finalmente xogando con globos de cor naranxa e de diferentes tamaños facendo de laranxas.
Esta proposta lúdica, que conta co apoio do programa “Ler conta moito” da Rede de Bibliotecas de Galicia, formou parte da Celebración das Letras Galegas, lembrando ao escritor Carlos Casares.
Finalmente queremos agradecer ao Colexio Rural Agrupado “A Picaraña” (nenos e profesorado) pola súa colaboración.

No día de onte, 18 de abril ás 18 horas, celebramos o día do Libro con Raquel Queizás estivo na ALM de Areas (Ponteareas) con “Mariña. Contos nados no mar” contándonos contos e lendas do mar de maneira moi amena na que os nenos pasárono en grande dende o primeiro minuto.

Mariña foi unha serea galega que viviu entre nós hai moitos anos. Ao seu fillo contáballe lendas e mitos dos seres mariños que poboaban os fondos do mar.  Agora comparte con nós todas as súas historias con nós e traenos unha mensaxe moi urxente de parte do océano, que o coidemos que non esquezamos que nas súas augas naceu a vida.

O resultado foi excepcional, dende os máis cativos ata os maiores participaron en todo momento, pasamos unha tarde moi divertida e emocionante cos contos de Raquel Queizás.

No día de onte, martes 24 de maio, coincidindo coa celebración das Letras Galegas, visitounos Raquel Galavís a Axencia de Lectura Municipal de Areas co Cantacontos. Unhas 25 persoas entre nenos e adultos disfrutamos desta actividade de dinamización con contos, música, danza… Soñamos, cantamos e bailamos acompañados polo guitarrista Juan, o seu compañeiro. Raquel púxonos en movemento coas mans, cos pés e o final con todo o noso corpo. Ao final os pais e eu, a bibliotecaria, rematamos sendo nós como se fósemos Raquel (proposta que nos fixo ela) cantando e bailando, facendo nós o espectáculo para os nenos e para Raquel. Pasámolo todos xenial. Foi unha actividade que resultou moi entretida, moi motivadora e participativa.

Grazas a todos por achegarse ata a axencia de lectura e por participar connosco.

Atenea García de Xarope Tulú achegou ata a Axencia de Lectura Municipal de Areas para celebrar o Día do Libro. Apostou por difundir as historias e contos que nos transmitiron os nosos avós, os quen na época da fame, agudizaron o seu inxenuo e imaxinación, porque, como se di “A falta de pan, bos son os contos”.
“…Hainos delicadiños para comer. Hainos que comen os bens dun cura. Pero como ben din os que saben; o comer e o rañar todo o malo é empezar. Abride ben as bocas que aló vai a primeira bocada…”
Unha actividade moi divertida na que os asistentes escoitaron atentamente os contos que lles contou, axudaban nas cancións propostas cantando animadamente e interectuaban abertamente coa contacontos.

En definitiva unha fermosa actividade para celebrar o mes dos libros.

O pasado, 27 de outubro, para conmemorar o Día da Biblioteca recibimos na Axencia de Lectura Municipal de Areas (Ponteareas) a “Os Contos de Pablisimo” coa actividade “¡RÁS! Contos Batracios”, cunha serie de contos curtos donde os animais son os protagonistas, entre eles “Raniñas nun coche”, “Sapo e Sepo”, etc, participando os nenos cantando e repetíndoos co artista.

Contos batracios sobre a amizade, a solidariedade, a ecoloxía e biodiversidade, contados a través de monicreques, Kamishibai, láminas, cancións e miniaturas.

Ao final recalcou que tódolos contos que contou están na biblioteca co cal animaba a tódalas/os nenas/os e aos papás que vaian sempre á biblioteca a ler ou coller un conto.

Durante os 40 minutos que durou a sesión pequenos e maiores pasámolo moi ben e participamos activamente da súa actuación. O resultado foi excelente.

O pasado martes 19 de maio, tivo lugar o contacontos O SOÑO DO RATO con Olga Abad “Intres” na Axencia de Lectura Municipal de Areas (Ponteareas), que nos trouxo moitas historias sobre ratos, ratiñas e gatos. Contounos a historia do rato César que soñaba cos trens, a rata Lavandeira que lavaba a roupa de todos os ratiños do pobo e da gata Renata que non medraba… historias ilustradas con sombras chinesas e monicreques.

A Axencia de Lectura Municipal de Areas tivo o espectáculo “Contiario” do artista “Os Contos de Pablísimo” narrado por Pablo Sánchez o pasado 28 de abril ás 18 horas co motivo do Día Internacional do Libro.

Un espectáculo completo e cheo de diversión que engaiolou a pequenos e adultos dende o minuto cero e fixo espertar a curiosidade polos libros. Contos máis raros, interesantes e exóticos do mundo! Contos que empezaron ó revés, contos con varios finais, contos de nunca rematar, uns máis curtos outros máis longos, contos con letras A E I O U, contos con animais, trabalinguas que provocaron risas entre o público, fábulas, cantares de cegos, contos-cancións acompañados por instrumentos musicais e orixinais e coa participación dos nenos.

O pasado día 14 de maio ás seis da tarde tivo lugar na Axencia de Lectura Municipal de Areas (Ponteareas) a actividade titulada Maxía Cómica realizada pola Contacontos Leo Leiño.

Unha actuación pensada para todos os públicos e especialmente para os nenos. Trátase dunha actividade divertida e sorprendente, relacionada coa lectura, unindo o argumento dos libros cos xogos.

Leo consigue a participación e implicación dos rapaces, xa que participan na execución dos trucos, rinse e por veces están como hipnotizados mentras dura a función. Os máis pequenos fascinaban cando a corda voaba soa, cando o can cambiaba de cor, e cando consigue que ata os libros boten lume… pero ao principio nunca saen os trucos polo que necesita dos nenos para que funcionen dicindo unhas palabras.

Leo fai múltiples referencias ás lecturas. Finalmente, foi un espectáculo moi divertido, mezclando o humor e a maxia.

O 25 de abril para celebrar “o día do libro” celebramos unha sesión de contacontos coa actuación do grupo Pinga Teatro. Os artistas conseguiron captar a atención do público tanto dos maís cativos como dos maiores acompañantes. A sesión foi axil, divertida e amena.

Os nenos escoitaron abraidos os dous contos que contou a contacontos, participaron no espectáculo e convertironse en colaboradores cómplices e necesarios.